టెన్నిస్ లెజెండ్ రోజర్ ఫెదరర్ రిటైర్మెంట్ ప్రకటించాడు. సెప్టెంబర్ 23 నుంచి సెప్టెంబర్ 25 వరకు లండన్ లో జరిగే లావర్ కప్ తర్వాత క్రీడల నుండి రిటైర్ అవుతున్నట్లు వెల్లడించాడు. ట్విట్టర్ వేదికగా ఫెదరర్ ఈ విషయాన్ని తెలిపారు. కెరీర్ లో ఎన్నోసార్లు గాయాలతో బాధపడ్డానని, ఇప్పుడు రిటైర్ అయ్యే టైమ్ వచ్చిందని తన పోస్ట్ లో చెప్పాడు. గత 24ఏళ్లుగా 1500 పైగా మ్యాచ్ లు ఆడానని, తనని అభిమానించిన ప్రతిఒక్కరికి ధన్యవాదాలు తెలిపాడు.
— Roger Federer (@rogerfederer) September 15, 2022
స్విట్జర్లాండ్ కు చెందిన 41 ఏళ్ల ఫెదరర్ ఖాతాలో 20 గ్రాండ్ స్లామ్స్, ఆస్ట్రేలియన్ ఓపెన్ 6, ఫ్రెంచ్ ఓపెన్ 1, వింబుల్డన్ 8, యూఎస్ ఓపెన్ 5 టైటిళ్లు ఉన్నాయి. 310 వారాల పాటు టెన్నిస్ లో ప్రపంచ నంబర్ వన్ గా కొనసాగిన ఘనత ఫెదరర్ దే. కరోనా కాలంలో ఫెదరర్ పెద్దగా పోటీల్లో పాల్గొనలేదు. ఈ మూడేళ్లు గాయాలు, శస్త్రచికిత్సలతోనే సరిపోయింది. కేవలం ఆటగాడినే కాకుండా మంచి వ్యక్తిత్వతంతోనూ ఫెదరర్ అందరి మనసులు గెలుచుకున్నాడు.
