కరోనా మహమ్మారి కారణంగా వాయిదా పడుతూ వస్తున్న RRR సినిమా... ఎట్టకేలకు రిలీజ్ డేట్ ను విడుదలైంది. రాజమౌళి దర్శకత్వంలో రూపొందిన RRR సినిమా కోసం ప్రపంచవ్యాప్తంగా సినిమా ప్రేమికులు ఎదురుచూస్తున్నారు. సంక్రాంతి కానుకగా జనవరి 7వ తేదీన ఈ సినిమాను విడుదల చేయాలనుకున్నారు. కానీ పరిస్థితులు అనుకూలంగా లేకపోవడం వలన కుదరలేదు. మళ్లీ ఎప్పుడు రిలీజ్ డేట్ ను ఎనౌన్స్ చేస్తారా అని అంతా ఆసక్తితో ఎదురుచూస్తున్నారు. ఈ నేపథ్యంలో మార్చి 18వ తేదీన గానీ .. ఏప్రిల్ 28వ తేదీనగాని ఈ సినిమాను విడుదల చేయనున్నారనే టాక్ వినిపించింది. అయితే ఊహించిన దానికంటే ముందుగానే కరోనా తీవ్రత తగ్గుతూ ఉండటంతో మార్చి 25వ తేదీన ఈ సినిమాను విడుదల చేయాలని నిర్ణయించుకున్నారు . కొద్ది సేపటి క్రితమే అధికారికంగా ఈ విషయాన్ని ప్రకటించింది చిత్ర బృదం.
మరిన్ని వార్తల కోసం...