తెలంగాణ అసెంబ్లీలో ఆర్థిక మంత్రి హరీష్ రావు 2021-2022 సంవత్సరాలగానూ వార్షిక బడ్జెట్‌ను ప్రవేశపెట్టారు. ఈ బడ్జెట్ ప్రజల ఆకాంక్షలను తీర్చేదిగా రూపొందించబడిందని ఆయన అన్నారు. గతేడాదిని కరోనా ఆర్థికంగా దెబ్బతీసిందని ఆయన అన్నారు. ఇవన్నీ దృష్టిలో ఉంచుకొని ఈ వార్షిక బడ్జెట్‌కు రూ. 2,30,825.96కోట్లు కేటాయిస్తున్నట్లు ఆయన ప్రకటించారు.
ఈ బడ్జెట్‌లో వ్యవసాయ శాఖ కోసం రూ. 25 వేల కోట్లు కేటాయించారు. అంతేకాకుండా రైతుబంధు కోసం రూ. 14,800 కోట్లు కేటాయించారు. అదేవిధంగా రైతురుణమాఫీ కోసం రూ. 5,225 కోట్లు కేటాయిస్తున్నట్లు ఆర్థికమంత్రి ప్రకటించారు.
