- మిర్యాలగూడ నుంచి వరంగల్ తరలిస్తున్నట్లు సమాచారం
- సరైన పత్రాలు లేకపోవడంతో సీజ్ చేసిన పోలీసులు
మిర్యాలగూడ, వెలుగు : లోక్సభ ఎన్నికల కోడ్ నేపథ్యంలో సోమవారం నల్గొండ జిల్లా మిర్యాలగూడలోని ఈదులగూడెం వద్ద డీఎస్పీ రాజశేఖర్ రాజు ఆధ్వర్యంలో చేపట్టిన తనిఖీల్లో భారీగా బంగారం పట్టుబడింది. పోలీసుల కథనం ప్రకారం...ఎలక్షన్ కోడ్ అమలులో భాగంగా సోమవారం పోలీసులు సీక్వెల్ గ్లోబల్ ప్రీసియస్లాజిస్టిక్స్కంపెనీకి చెందిన సెక్యూరిటీ వాహనంలో తనిఖీలు చేశారు.
అందులో సుమారు రూ. 5.73 కోట్ల విలువైన బంగారం పట్టుబడింది. అయితే ఈ బంగారాన్ని మిర్యాలగూడ నుంచి కోదాడ మీదుగా వరంగల్ తరలిస్తున్నట్లు గుర్తించారు. పట్టుబడిన బంగారానికి సంబంధించి సరైన పత్రాలు లేకపోవడంతో సీజ్ చేసినట్లు తెలిపారు. ముగ్గురిని అదుపులోకి తీసుకొని విచారిస్తున్నట్లు పోలీసులు చెప్పారు. వన్ టౌన్ సుధాకర్, ఎస్ఐ శ్రీను నాయక్, కానిస్టేబుల్స్ సైదులు, హుస్సేన్, నాగరాజు ఉన్నారు.
