ఆసిఫాబాద్/కాగజ్ నగర్, వెలుగు: ఆర్టీసీ ఉద్యోగులకు 21శాతం ఫిట్మెంట్ ఇస్తూ కాంగ్రెస్ ప్రభుత్వం నిర్ణయం తీసుకోవడంపై ఆర్టీసీ ఉద్యోగులు సంబరాలు చేసుకున్నారు. కాంగ్రెస్ ఆసిఫాబాద్నియోజకవర్గ ఇన్ చార్జ్ అజ్మీర శ్యాంనాయక్ ఆధ్వర్యంలోజిల్లా కేంద్రంలోని అంబేద్కర్ విగ్రహం ఎదుట సీఎం రేవంత్ రెడ్డి, డిప్యూటీ సీఎం బట్టి విక్రమార్క ఫొటోలకు ఆర్టీసీ కార్మికులు క్షీరాభిషేకం చేశారు. గత పాలకులు ఆర్టీసీని పట్టించుకోలేదని, 40 మంది కార్మికుల చావుకు బీఆర్ఎస్ కారణమైందని మండిపడ్డారు. కాగజ్ నగర్ పట్టణంలో బస్టాండ్ ఆవరణలో ఆర్టీసీ ఉద్యోగులు, కాంగ్రెస నేతలు రేవంత్ రెడ్డి, రవాణా శాఖ మంత్రి పొన్నం ప్రభాకర్ ఫొటోలకు క్షీరాభిషేకం చేశారు.
