- స్టాఫ్ అండ్ వర్కర్స్ యూనియన్ నేతల డిమాండ్
హైదరాబాద్, వెలుగు: హైకోర్టు ఇచ్చిన ఆదేశాల మేరకు ఆర్టీసీలో గుర్తింపు సంఘం కోసం వెంటనే ఎన్నికలు నిర్వహించాలని స్టాఫ్ అండ్ వర్కర్స్ యూనియన్ ప్రధాన కార్యదర్శి కొమిరెల్లి రాజిరెడ్డి ఆధ్వర్యంలో పలువురు యూనియన్ ప్రతినిధులు డిమాండ్ చేశారు. శుక్రవారం కార్మిక శాఖ జాయింట్ కమిషనర్ సునీతా దాస్ ను కలిసి ఈ మేరకు వినతిపత్రం ఇచ్చారు.
రెండేళ్ల క్రితం అప్పటి సీఎం కేసీఆర్ నియంతృత్వ ధోరణితో గుర్తింపు సంఘం ఎన్నికలను రద్దు చేశారని, దీంతో హైకోర్టును ఆశ్రయించగా తమకు అనుకూలంగా తీర్పు వచ్చిందని వినతిపత్రంలో పేర్కొన్నారు. ఆర్టీసీ గుర్తింపు సంఘానికి ఎన్నికలు జరపకపోవడంతో సమస్యలు పేరుకుపోతున్నాయని, ఇప్పటికైనా వెంటనే ఎన్నికలు జరిపించాలని సంఘం ప్రతినిధులు కోరారు.
