మాస్కో: రష్యా ప్రెసిడెంట్ వ్లాదిమిర్ పుతిన్ తీవ్ర అస్వస్థతకు గురయ్యారు. ఆయనకు పోయిన శుక్రవారం అర్ధరాత్రి తర్వాత డాక్టర్లు అత్యవసర ట్రీట్మెంట్ ఇవ్వాల్సి వచ్చిందని రష్యన్ టెలిగ్రామ్ చానల్ బుధవారం వెల్లడించింది. ప్రెసిడెన్షియల్ క్వార్టర్ నుంచి పుతిన్కు అర్జంట్ మెడికల్ కేర్ అవసరముందని ఫోన్ రావడంతో డాక్టర్లు చేరుకుని మూడు గంటలపాటు పుతిన్కు ట్రీట్మెంట్ అందజేశారని తెలిపింది. ప్రెసిడెంట్కు నయమయ్యాకే డాక్టర్లు అక్కడి నుంచి వెళ్లిపోయారని చెప్పింది. అయితే, ఉక్రెయిన్పై రష్యా యుద్ధం మొదలు పెట్టినప్పటి నుంచి పుతిన్ ఆరోగ్యంపై రకరకాలుగా వార్తలు వస్తున్నాయి. ఆయనకు టెర్మినల్ క్యాన్సర్ ఉందని, పార్కిన్సస్తో బాధపడుతున్నారని అనేక ఏజెన్సీలు ప్రచారం చేశాయి. కానీ, ఆయనకెలాంటి ఆరోగ్య సమస్యలు లేవని ప్రెసిడెంట్ భవన్ స్పోక్స్ పర్సన్ దిమిత్రీ పెస్కోవ్ చెప్పారు.
