కమర్షియల్ హీరోగా నిలదొక్కుకున్నా.. అప్పుడప్పుడు కొత్త తరహా స్ర్కిప్టులు కూడా సెలెక్ట్ చేసుకుంటూ మంచి ఇమేజ్ తెచ్చుకున్నాడు సాయిధరమ్ తేజ్. లాస్ట్ ఇయర్ ‘రిపబ్లిక్’ మూవీతో మంచి మార్కులు వేయించుకున్నాడు. అయితే ఆ తర్వాత యాక్సిడెంట్‌ కారణంగా కొంత గ్యాప్ తీసుకున్నాడు. రీసెంట్‌‌‌‌గా తిరిగి వర్క్‌ మోడ్‌‌‌‌లోకి వచ్చాడు. ప్రస్తుతం కార్తీక్ దండు దర్శకత్వంలో ఓ సినిమా చేస్తున్నాడు. సుకుమార్ కథ, స్ర్కీన్‌‌‌‌ప్లే రాస్తున్నాడు. సుకుమార్ రైటింగ్స్‌‌‌‌తో కలిసి బీవీఎస్ఎన్ ప్రసాద్ నిర్మిస్తున్నారు. అజనీష్ లోక్‌‌‌‌నాథ్ సంగీతం అందిస్తున్నాడు.
నిన్న తేజ్ పుట్టినరోజు కావడంతో ఒక స్పెషల్ అప్‌‌‌‌డేట్ ఇచ్చారు మేకర్స్. ఈ మూవీ షూటింగ్ సగానికి పైగా పూర్తయిందని, అతి త్వరలోనే టైటిల్‌ రివీల్ చేయడంతో పాటు స్నీక్ పీక్ వీడియోని కూడా వదులుతామని ప్రకటించారు. అంతే కాదు.. ఈ చిత్రాన్ని నెక్స్ట్ ఇయర్ వేసవి కానుకగా విడుదల చేయనున్నట్టు కన్‌‌‌‌ఫర్మ్ చేశారు. ఈ మిస్టిక్ థ్రిల్లర్‌‌‌‌‌‌‌‌లో సంయుక్త మీనన్ హీరోయిన్‌‌‌‌గా నటిస్తోంది.
