‘నిర్మల కాన్వెంట్’ చిత్రంతో హీరోగా పరిచయమై మళ్లీ నాలుగేళ్ల గ్యాప్ తర్వాత ‘పెళ్లి సందD’ సినిమాతో తనదైన నటనతో ఆకట్టుకున్నాడు రోషన్ మేక. శ్రీకాంత్ కొడుకుగానే కాకుండా హీరోగా తనకంటూ ఓ ముద్ర వేసుకోవాలని ప్రయత్నిస్తున్నాడు. ఇప్పటికే ‘చాంపియన్’ చిత్రంలో నటిస్తున్న రోషన్ నెక్స్ట్ మూవీ కన్ఫర్మ్ అయినట్టు తెలుస్తోంది. ‘హిట్’ ఫ్రాంచైజీలతో దర్శకుడిగా ఓ ట్రెండ్ క్రియేట్ చేసిన శైలేష్ కొలను దర్శకత్వంలో రోషన్ నటించనున్నాడు. గతంలో వీరిద్దరి కాంబోలో మూవీ వస్తుందని రూమర్స్ వచ్చినా తాజాగా అది అఫీషియల్‌‌గా కన్ఫర్మ్ అయ్యింది. రోషన్‌‌తో ఓ లవ్ స్టోరీ తెరకెక్కించేందుకు శైలేష్ ప్లాన్ చేస్తున్నాడట. ఈ చిత్రాన్ని సితార ఎంటర్‌‌టైన్మెంట్స్ బ్యానర్‌‌పై సూర్యదేవర నాగవంశీ నిర్మించనున్నారట. త్వరలోనే ఈ ప్రాజెక్టుపై అధికారిక ప్రకటన రానుందని తెలుస్తోంది.
