గచ్చిబౌలి, వెలుగు: ఆగి ఉన్న టిప్పర్ లారీని ఇసుక లారీ ఢీకొట్టడంతో క్యాబిన్లో ఇరుక్కొని డ్రైవర్ మృతి చెందాడు. గచ్చిబౌలి ఇన్స్పెక్టర్ బాలరాజు వివరాల ప్రకారం.. ప్రకాశం జిల్లా కొణిదెల గ్రామానికి చెందిన తన్నీరు శ్రీనివాస కార్తిక్ (18) గోకుల్ ప్లాట్స్లోని తన బాబాయి వద్ద ఉంటూ లారీ డ్రైవర్గా పనిచేస్తున్నాడు. శుక్రవారం తెల్లవారుజామున ఇసుక లోడ్తో కోకాపేట్ నుంచి వట్టినాగులపల్లి వైపు బయలుదేరాడు.
మార్గమధ్యలో డంపింగ్ యార్డ్ వద్ద రోడ్డుపై ప్రమాదకరంగా నిలిపి ఉన్న టిప్పర్ లారీని వెనుక నుంచి ఢీకొట్టాడు. ఈ ప్రమాదంలో లారీ ముందు భాగం మొత్తం నుజ్జునుజ్జు అయ్యి క్యాబిన్లోనే ఇరుక్కొని కార్తిక్ మృతి చెందాడు. సమాచారం అందుకున్న గచ్చిబౌలి పోలీసులు సంఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు.
