క్యాండీ క్రష్.. ఈ మొబైల్ గేమ్ తెలియని వారుండరంటే అతిశయోక్తి కాదు. అప్పట్లో మాజీ క్రికెటర్ మహేంద్ర సింగ్ ధోని సైతం విమానంలో క్యాండీ క్రష్ ఆడుతున్న వీడియో సోషల్ మీడియాలో వైరల్అయింది. ఆ వీడియో అప్ లోడ్ చేసిన మూడు గంటల వ్యవధిలో 3.5 లక్షల కంటే ఎక్కువగా గేమ్ డౌన్లోడ్ చేసుకున్నట్లు వార్తలు వచ్చాయి. ధోని క్రేజ్ అంటే అలా ఉంటుంది మరి అనుకున్నారు అభిమానులు. అయితే ఇప్పుడు మరొకరు క్యాండీ క్రష్ ప్రేమికుడిగా మారారు. ఆయన మరెవరో కాదు.. ఐటీ దిగ్గజ సంస్థ మైక్రోసాఫ్ట్ సీఈవో సత్యనాదేళ్ల. ఆయనే స్వాయన ఓ జడ్జితో ఈ విషయాన్ని చెప్పడం విశేషం.
యాక్టివిజన్ బ్లిజార్డ్ అనే వీడియో గేమింగ్ కంపెనీ కొనుగోలు ట్రాన్సాక్షన్స్సంబంధించిన కేసు విచారణలో భాగంగా ఫ్రాన్సిస్కో ఫెడరల్ కోర్టుకి సత్యనాదెళ్ల హాజరయ్యారు. ఈ క్రమంలో జడ్జికి, సత్యకు మధ్య కొద్ది సేపు సరదా సంభాషణ జరిగింది. క్యాండీ క్రష్ గేమ్ గురించి అభిప్రాయం చెప్పమని న్యాయమూర్తి సత్య నాదెళ్లను అడిగారు. క్యాండీ క్రష్గేమ్ అంటే తనకు ఇష్టమని.. చాలా బాగా ఆస్వాదిస్తానని ఆయన సమాధానం ఇచ్చారు.
దాంతో పాటు కాల్ ఆఫ్ డ్యూటీ గేమ్ కూడా ఆడుతుంటానని చెప్పడంతో కోర్టులో ఉన్నవారంతా సరదాగా నవ్వారు. తనకు మొబైల్ గేమ్స్ అంటే ఇష్టమని సత్య చెప్పారు. మైక్రోసాఫ్ట్ ద్వారా గేమ్లను అందుబాటులోకి తీసుకురావాలని ఆయన భావిస్తున్నారు. అంత‌టి వారే.. ఇలా చిన్న పిల్ల‌ల్లా మొబైల్ గేమ్స్ ఆడుతుంటే.. ఇక మిగ‌తా వాళ్లు ఆ మాత్రం ఆడ‌కుండా ఉంటారా ఏంటీ..
