హైదరాబాద్‌, వెలుగు :కరోనాతో మరణించిన గాంధీ ఆసుపత్రి సెక్యూరిటీ సూపర్ వైజర్ గంపల బాలరాజుకు ‘సావిత్రి బాయి పూలే స్మారక కరోనా వారియర్స్-2020’ అవార్డును ‘అసోసియేషన్ఆఫ్ విమెన్ రైట్స్యాక్టివిస్ట్మెడికల్(ఔరా) సంస్థ ప్రకటించింది. ఈ మేరకు రాష్ర్ట వైద్యారోగ్య శాఖ మంత్రి ఈటల రాజేందర్ మంగళవారం బాలరాజు ఫ్యామిలీకి అవార్డును అందజేశారు. ఈ సందర్భంగా మంత్రి మాట్లాడుతూ బాలరాజు కుటుంబాన్ని ప్రభుత్వం ఆదుకుంటుందని, ఔట్సోర్సింగ్జాబ్‌ ఇప్పించేందుకు కృషి చేస్తామన్నారు. మృతుడి ఇద్దరు కుమారుల చదువుల కోసం తమ సంస్థ తరపున30వేల ఆర్థికసాయం అందించామని ఔరా సంస్థ వ్యవస్థాపక అధ్యక్షురాలు, గాంధీ ఆస్పత్రి రిటైర్డ్ ఆర్ఎంఓ డా.ప్రమీల చెప్పారు. ఎజైల్సెక్యూరిటీ ఫోర్స్సంస్థ లక్షా40 వేలను అందించిందని గాంధీ ఆస్పత్రి చీఫ్సెక్యూరిటీ అధికారి ప్రదీప్కుమార్తెలిపారు. కార్యక్రమంలో ఔరా సభ్యురాలు, నాట్కో సంస్థ కౌన్సిలర్ కృష్ణవేణి, సెక్యూరిటీ సూపర్ వైజర్జంగయ్య తదితరులు పాల్గొన్నారు.
