బషీర్బాగ్, వెలుగు: బీసీలకు రాష్ట్ర ప్రభుత్వం 42 శాతానికి రిజర్వేషన్లు పెంచినట్లుగానే ఎస్సీలకు 18 శాతానికి పెంచాలని రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్య కోరారు. బొజ్జా తారకం ట్రస్ట్, డాక్టర్ బి.ఆర్.అంబేద్కర్ మెమోరియల్ ట్రస్ట్ సంయుక్త ఆధ్వర్యంలో బషీర్ బాగ్ ప్రెస్ క్లబ్ లో హైకోర్టు మాజీ జడ్జి బొజ్జా తారకం 9వ వర్ధంతి సభ నిర్వహించారు.
ఈ సందర్భంగా ఆయన మాట్లాడుతూ.. బొజ్జా తారకం దళితుల హక్కుల సాధనకు, న్యాయం కోసం ఆనేక ఉద్యమాలు చేశారని గుర్తు చేశారు. కార్యక్రమంలో అంబేద్కర్ మెమోరియల్ ట్రస్ట్ చైర్మన్ డాక్టర్ కె.లింగయ్య, ప్రధాన కార్యదర్శి గనుమల జ్ఞానేశ్వర్, రాష్ట్ర సాంస్కృతిక సారథి చైర్పర్సన్ వెన్నెల గద్దర్, నందిగం కృష్ణారావు, చిక్కుడు ప్రభాకర్ పాల్గొన్నారు.
