వాషింగ్టన్: తన ప్రైవేట్ ఆఫీస్లో రహస్య డాక్యుమెంట్లు ఉన్నట్టు తనకు తెలీదని, అవి దొరికాయనే విషయం తెలిసి ఆశ్చర్యపోయానని అమెరికా ప్రెసిడెంట్ జో బైడెన్ అన్నారు. క్లాసిఫైడ్ డాక్యుమెంట్స్లో ఏముందో కూడా తెలీదని స్పష్టం చేశారు. మెక్సికోలో జరుగుతున్న 10వ నార్త్ అమెరికన్ లీడర్స్ సమిట్లో పాల్గొన్న ఆయన, ఆ దేశ ప్రెసిడెంట్ లోపెజ్ ఒబ్రాడోర్, కెనడా ప్రధానిజస్టిన్ ట్రూడోతో కలిసి మీడియాతో మాట్లాడారు.
ఆర్కైవ్స్ విభాగంతో పాటు డిపార్ట్మెంట్ ఆఫ్ జస్టిస్కు దర్యాప్తులో సహకరిస్తానని చెప్పారు. ‘‘క్లాసిఫైడ్ డాక్యుమెంట్లు నా ప్రైవేట్ ఆఫీసులోకి ఎలా వచ్చాయో అర్థం కావట్లేదు. ‘‘ది పెన్న్ బైడెన్ సెంటర్’’లో నా లాయర్లు అక్కడ ప్రైవేట్ ఆఫీస్ ఏర్పాటు చేశారు. 2017 నుంచి 2020 ప్రెసిడెంట్ ఎలక్షన్స్ క్యాంపెయిన్ ప్రారంభమయ్యే దాకా అక్కడే ఉన్నాను. ప్రెసిడెంట్ అయ్యాక, నా అటార్నీలు కిందటేడాది నవంబర్ 2న ఈ ఆఫీస్ను ఖాళీ చేసేందుకు వెళ్లారు. అప్పుడు ఓ ర్యాక్లో ఈ ఫోల్డర్ గుర్తించారు” అని బైడెన్ చెప్పారు.
