రాకింగ్ రాకేష్ హీరోగా నటిస్తూ, నిర్మిస్తున్న చిత్రం ‘కేశవ చంద్ర రమావత్’ (కేసీఆర్). ‘గరుడ వేగ’ అంజి దర్శకత్వం వహిస్తున్నాడు. ఈ సినిమాలోని రెండో పాటను శుక్రవారం విడుదల చేశారు. నందినగర్‌‌‌‌లోని మాజీ సీఎం కేసీఆర్ నివాసంలో ఈ పాటను ఆవిష్కరించారు. ‘తెలంగాణ తేజం’ అంటూ సాగే ఈ పాటను గోరటి వెంకన్న రాశారు. మను కల్పనతో కలిసి ఆయనే పాడారు. రాకేష్‌‌తో పాటు సంగీత దర్శకుడు చరణ్ అర్జున్, యాంకర్ సుజాత, సింగర్ విహ, లిరిక్ రైటర్ సంజయ్ మహేష్ తదితరులు కేసీఆర్‌‌‌‌ను కలిశారు.
