- నాలుగో అంతస్తు నుంచి దూకిన వ్యక్తి.. కాపాడిన సెక్యూరిటీ గార్డ్
మక్కా: సౌదీ అరేబియాలోని మక్కా మసీదు నాలుగో అంతస్తు నుంచి దూకి ఓ వ్యక్తి ఆత్మహత్యాయత్నం చేశాడు. ముందే గమనించిన సెక్యూరిటీ గార్డు పరుగెత్తుకొచ్చి దూకిన వ్యక్తిని చేతులతో పట్టుకుని కాపాడాడు. శనివారం ఉదయం ఓ వ్యక్తి దూ మస్జిద్ అల్-హరామ్ (గ్రాండ్ మసీద్)పైకి ఎక్కాడు.
అతను నాలుగో అంతస్తుకు చేరుకుని బాల్కనీ అంచునుంచి దూకే ప్రయత్నం చేస్తుండగా హరామ్ సెక్యూరిటీ ఫోర్స్ కు చెందిన గార్డ్ గమనించి.. దూకొద్దని వారించాడు. అయినా అతను దూకేయడంతో పరిగెత్తుకెళ్లి చేతులతో పట్టుకున్నాడు. ఈ ప్రయత్నంలో దూకిన వ్యక్తితోపాటు సెక్యూరిటీ గార్డు తీవ్రంగా గాయపడ్డాడు.
గార్డ్ కాళ్లు, చేతులకు ఫ్రాక్చర్స్ అయ్యాయి. ఇద్దరినీ ఆస్పత్రికి తరలించి ట్రీట్మెంట్ అందిస్తున్నారు. మక్కా ప్రాంత ఎమిరేట్ ఆఫీసర్ ఇందుకు సంబంధించిన వీడియోను ‘ఎక్స్’లో పోస్టు చేయడంతో వైరల్ అయింది. ఆత్మహత్య చేసుకోబోయిన వ్యక్తి ప్రాణాలు కాపాడిన సెక్యూరిటీ గార్డ్ను నెటిజన్లు అభినందిస్తున్నారు.
ఈ ఘటన తర్వాత గ్రాండ్ మసీద్ చీఫ్ ఇమామ్ షేక్ అబ్దుర్ రెహమాన్ మాట్లాడుతూ.. మక్కా పవిత్రతను గౌరవించాలని, నిబంధనలు పాటించాలని కోరారు.
