హైదరాబాద్, వెలుగు: ఎస్‌‌ఎఫ్‌‌ఏ చాంపియన్‌‌షిప్‌ 2024 ఎడిషన్ పోటీలు హైదరాబాద్‌‌లో హోరాహోరీగా సాగుతున్నాయి. గచ్చిబౌలి స్టేడియంలో శుక్రవారం జరిగిన స్విమ్మింగ్ పోటీల్లో హర్షిత వర్మ భూపతిరాజు, తేజరామ్ సామినేని విజేతలుగా నిలిచారు. ది క్రీక్ ప్లానెట్ స్కూల్‌‌కు చెందిన హర్షిత అండర్‌-16 గర్ల్స్‌ 100 మీటర్ల బటర్ఫ్లై స్ట్రోక్‌‌లో గోల్డ్ మెడల్ నెగ్గింది. అదే స్కూల్ స్టూడెంట్‌ అయిన తేజరామ్ బాయ్స్‌ 100 మీటర్ల బటర్ఫ్లై స్ట్రోక్‌‌లో టైటిల్ గెలిచాడు. బాయ్స్‌ అండర్‌-10 హ్యాండ్‌‌బాల్ ఫైనల్లో విజ్ఞాన్స్‌ బో ట్రీ స్కూల్‌‌ను ఓడించిజనప్రియ హైస్కూల్ ట్రోఫీ కైవసం చేసుకుంది. బొల్లారం ఆర్మీ పబ్లిక్ స్కూల్ టీమ్ గర్ల్స్‌ అండర్‌-14 వాలీబాల్ ఫైనల్లో జ్ఞాన్స్‌ బో ట్రీ స్కూల్‌‌ను ఓడించి విజేతగా నిలిచింది.
