టాలీవుడ్ యంగ్ హీరో ఆది సాయికుమార్ సరైన సక్సెస్ కోసం ఎదురుచూస్తున్న సమయంలో, 'శంబాల' రూపంలో ఒక అద్భుతమైన విజయం వరించింది. యుగంధర్ ముని దర్శకత్వంలో తెరకెక్కిన ఈ మైథలాజికల్ థ్రిల్లర్, కేవలం ఒక సినిమాగా మాత్రమే కాకుండా ఒక విజువల్ వండర్గా ప్రేక్షకులను అలరిస్తోంది. క్రిస్మస్ కానుకగా డిసెంబర్ 25న విడుదలైన ఈ చిత్రం, తొలి రోజే పాజిటివ్ టాక్ను సొంతం చేసుకుని బాక్సాఫీస్ వద్ద దూసుకుపోతోంది.
వారం రోజుల్లోనే సంచలన వసూళ్లు
చిన్న సినిమాగా వచ్చి పెద్ద విజయాన్ని అందుకున్న 'శంబాల', కేవలం వారం రోజుల్లోనే ప్రపంచవ్యాప్తంగా రూ. 16.20 కోట్ల గ్రాస్ వసూళ్లను రాబట్టి అందరినీ ఆశ్చర్యపరిచింది. మైథాలజీకి సస్పెన్స్ థ్రిల్లర్ అంశాలను జోడించి దర్శకుడు మలిచిన తీరు ప్రేక్షకులకు కొత్త అనుభూతిని ఇస్తోంది. ఈ విజయంతో చాలా కాలం తర్వాత ఆది సాయికుమార్ ఖాతాలో ఒక సాలిడ్ హిట్ పడటమే కాకుండా, కమర్షియల్గా కూడా నిర్మాతలకు లాభాలను తెచ్చిపెడుతోంది.
బాలీవుడ్పై కన్నేసిన 'శంబాల'.. రిషబ్ శెట్టి సపోర్ట్!
తెలుగులో సాధించిన ఘనవిజయంతో ఈ చిత్రాన్ని ఇప్పుడు హిందీలో విడుదల చేసేందుకు మేకర్స్ సిద్ధమయ్యారు. బాలీవుడ్ ప్రేక్షకులను అలరించేందుకు ఈ చిత్రాన్ని సంక్రాంతి కానుకగా జనవరి 9న విడుదల చేయబోతున్నారు. లేటెస్ట్ గా ఈ చిత్ర హిందీ ట్రైలర్ను 'కాంతార' స్టార్, నేషనల్ అవార్డ్ విన్నర్ రిషబ్ శెట్టి విడుదల చేశారు. ట్రైలర్ లాంచ్ సందర్భంగా రిషబ్ శెట్టి మాట్లాడుతూ.. సినిమాలోని విజువల్స్, కాన్సెప్ట్ చాలా బాగున్నాయని, హిందీలో కూడా ఈ సినిమా పెద్ద విజయం సాధించాలని చిత్ర బృందానికి సోషల్ మీడియా వేదికగా శుభాకాంక్షలు తెలిపారు.
After a grand successful Telugu release. #Shambala releasing in Hindi on 9th Jan’26
— Rishab Shetty (@shetty_rishab) January 4, 2026
Unveiling the Hindi trailer - https://t.co/S1IUlDRVJz
All the best to @iamaadisaikumar and the entire team😊@tweets_archana @ugandharmuni #RajasekharAnnabhimoju @ShiningPictures… pic.twitter.com/itnt68GNa2
తారాగణం
మహిధర్ రెడ్డి, రాజశేఖర్ అన్నభీమోజు సంయుక్తంగా నిర్మించిన ఈ చిత్రంలో అర్చన్ అయ్యర్ కథానాయికగా నటించారు. సినిమా విజయానికి ప్రధాన కారణం శ్రీచరణ్ పాకాల అందించిన గగుర్పొడిచే నేపథ్య సంగీతం. ప్రతి సీన్ను తన మ్యూజిక్తో మరో స్థాయికి తీసుకెళ్లారు. పురాతన రహస్యాలు, ఆధ్యాత్మిక అంశాల నేపథ్యంలో సాగే ఈ థ్రిల్లర్ ఇప్పుడు బాలీవుడ్ ప్రేక్షకులను ఏ మేరకు మెప్పిస్తుందో చూడాలి. తెలుగు రాష్ట్రాల్లో ఇప్పటికీ హౌస్ఫుల్ కలెక్షన్లతో రన్ అవుతున్న 'శంబాల', హిందీలో కూడా సత్తా చాటితే ఆది సాయికుమార్ రేంజ్ పాన్ ఇండియా లెవల్కు వెళ్లడం ఖాయం అంటున్నారు అభిమానులు.
