కంది, వెలుగు : సంక్షేమ పథకాల్లో తెలంగాణ దేశానికే ఆదర్శమని సంగారెడ్డి జిల్లా బీఆర్ఎస్ అధ్యక్షుడు చింతా ప్రభాకర్ అన్నారు. సోమవారం సంగారెడ్డి మండలం కొత్లాపూర్ లో లబ్ధిదారులకు గొర్రెలను అందజేశారు. ఈ సందర్భంగా ఆయన మాట్లాడుతూ .. గడపగడపకు బీఆర్ఎస్ ప్రభుత్వ సంక్షేమ ఫలాలు అందుతున్నాయని, దేశంలో ఎక్కడ కూడా తెలంగాణలో ఉన్న సంక్షేమ ఫలాలు లేవని చెప్పారు.
ALSO READ :రిమ్స్ హాస్పిటల్పై .. ప్రభుత్వం నిర్లక్ష్యం
దేశానికే ఆదర్శంగా తెలంగాణ ఎదుగుతుంటే ఓర్వలేక పోతున్నారన్నారు. కాంగ్రెస్ పాలనలో రైతుల కష్టాలు రైతులు మరువలేదని, రైతులను రాజును చేసిన ఘనత సీఎం కేసీఆర్దేనన్నారు. ఈ కార్యక్రమంలో మాజీ జడ్పీటీసీ మనోహర్ గౌడ్, గ్రామ సర్పంచ్ సందీప్ రెడ్డి, మండల పార్టీ అధ్యక్షుడు చక్రపాణి, లబ్ధిదారులు పాల్గొన్నారు.
