రీసెంట్‌‌‌‌గా ‘మాస్ జాతర’ చిత్రంతో ప్రేక్షకుల ముందుకొచ్చిన రవితేజ.. తన నెక్స్ట్ ప్రాజెక్టుతో బిజీ అయ్యాడు. కిశోర్ తిరుమల డైరెక్షన్‌‌‌‌లో ఆయన ఓ మూవీ చేస్తున్న సంగతి తెలిసిందే. ఆషికా రంగనాథ్ హీరోయిన్‌‌‌‌గా నటిస్తోంది. ఈ మూవీ షూటింగ్ శరవేగంగా జరుగుతోంది. స్పెయిన్ సహా విదేశాల్లో పాటలను చిత్రీకరించారు. తాజాగా నెక్స్ట్ షెడ్యూల్‌‌‌‌ను హైదరాబాద్‌‌‌‌లో స్టార్ట్ చేశారు. ఈ షెడ్యూల్‌‌‌‌లో మరో సాంగ్‌‌‌‌ను షూట్ చేస్తున్నట్టు తెలియజేశారు మేకర్స్.
అన్నపూర్ణ స్టూడియోస్‌‌‌‌లో వేసిన స్పెషల్ సెట్‌‌‌‌లో రవితేజ, ఆషిక జోడీపై ఈ పాటను షూట్ చేస్తున్నారు. శేఖర్ మాస్టర్ కొరియోగ్రఫీలో రూపొందుతున్న ఈ సాంగ్ అదిరిపోయే డ్యాన్స్ నంబర్‌‌‌‌గా ప్రేక్షకులను అలరించనుందని మేకర్స్ చెప్పారు. రవితేజ నటిస్తోన్న 76వ సినిమా ఇది. ఈ చిత్రం కోసం ఆయన స్టైలిష్‌‌‌‌గా మేకోవర్ అయ్యాడు. అలాగే ఆయన మార్క్ కామిక్ టైమింగ్, మాస్ అప్పీల్‌‌‌‌తో కూడిన ఫుల్ లెంగ్త్ ఫ్యామిలీ డ్రామాగా ఈ చిత్రాన్ని రూపొందిస్తున్నట్టు దర్శకుడు కిషోర్ తెలియజేశాడు.
ఎస్‌‌‌‌ఎల్‌‌‌‌వీ సినిమాస్ బ్యానర్‌‌‌‌పై సుధాకర్ చెరుకూరి నిర్మిస్తున్న ఈ చిత్రానికి ‘అనార్కలి’ అనే టైటిల్ పరిశీలిస్తున్నారు. సంక్రాంతికి సినిమా రిలీజ్ చేయనున్నట్టు ఇప్పటికే ప్రకటించారు. భీమ్స్ సిసిరోలియో సంగీతం అందిస్తున్నాడు. టైటిల్, ఫస్ట్ లుక్, ఇతర నటీనటుల వివరాలు త్వరలోనే మేకర్స్ తెలియజేయనున్నారు.
