3 నెలలు హోస్టింగ్ ఛార్జీలుండవ్
హైదరాబాద్, వెలుగు: ఈ–కామర్స్ ప్లాట్ఫామ్ షాప్మాటిక్ ఇండియాలోని తన కస్టమర్ల కోసం ఇన్స్పైరింగ్ ఎంట్రప్రెనూర్షిప్ ప్రోగ్రామ్ తెచ్చింది. జూన్ 3 నుంచి ఆగస్టు 31 దాకా మూడు నెలలపాటు ఈ కొత్త ప్రోగ్రామ్ కింద ఎలాంటి హోస్టింగ్ ఛార్జీలు వసూలు చేయమని షాప్మాటిక్ ప్రకటించింది. ఎలాంటి సైన్ అప్ ఛార్జీలు లేకుండానే కస్టమర్లు తమ ఈ–కామర్స్ (ఆన్లైన్ బిజినెస్) ను సెటప్ చేసుకోవచ్చని వెల్లడించింది. తమ ప్రొడక్టుల అమ్మకాల మీద 3 శాతాన్ని మాత్రం చెల్లించాల్సి ఉంటుందని సింగపూర్ కంపెనీ షాప్మాటిక్ తెలిపింది. చిన్న వ్యాపారులు ఆన్లైన్‌‌లోకి మారేందుకు తమ వద్ద 4 ఆప్షన్లు ఉన్నాయని, ఇందులో ఏదైనా ఎంపిక చేసుకోవచ్చని షాప్మాటిక్ సీఈఓ అనురాగ్ ఆవుల చెప్పారు. ఎంట్రప్రెనూర్లను ఎంకరేజ్ చేయడం కోసమే నెలవారీ హోస్టింగ్ ఛార్జీలను ఎత్తివేసినట్లు పేర్కొన్నారు.
