త్రిగుణ్, పాయల్ రాధాకృష్ణ జంటగా మధుదీప్ చెలికాని దర్శకత్వంలో అరవింద్ మండెం నిర్మించిన చిత్రం ‘మిస్టర్ వర్క్ ఫ్రమ్ హోమ్’. తాజాగా ఈ సినిమా నుంచి యాంథమ్ సాంగ్ని రిలీజ్ చేశారు. ప్రకాష్ చెరుకూరి కంపోజ్ చేయగా వ్యవసాయం ప్రాముఖ్యతను తెలియజేస్తూ నిర్మాత అరవింద్ మండెం రాసిన లిరిక్స్ పవర్ఫుల్గా ఉన్నాయి. బాబా సెహగల్ ఎనర్జిటిక్గా పాడిన తీరు ఆకట్టుకుంది.
ఇందులో కృష్ణుడు వ్యవసాయం చేస్తున్నట్లుగా చూపించిన విధానం ఆసక్తిని పెంచింది. ఈ పాట యూత్తో పాటు ప్రతి ఒక్కరికీ కనెక్ట్ అయ్యేలా ఉంటుందని మేకర్స్ చెప్పారు. అనీష్ కురువిల్లా, శివాజీరాజా, హర్ష వర్ధన్, సత్య కృష్ణన్, హర్ష చెముడు, నెల్లూరు సుదర్శన్, వేణు యెల్దండి, సప్తగిరి ఇతర పాత్రలు పోషించిన ఈ మూవీ షూటింగ్ ఇప్పటికే పూర్తికాగా, త్వరలోనే ప్రేక్షకుల ముందుకు రానుంది.
