వేసవిలో హైడ్రేషన్ మెయింటెయిన్ చేయడానికి, బరువు తగ్గే ప్రయత్నంలో ఉన్నవాళ్లకి, హార్మోన్ల సమతుల్యతను మెరుగుపరుచుకోవడానికి డిటాక్స్ డ్రింక్స్ ఎంతో మేలు చేస్తాయి. మరింకెందుకాలస్యం.. వెంటనే షురూ చేయండి.
హైడ్రేషన్ డ్రింక్
.కావాల్సినవి:
నీళ్లు - ఒక లీటర్
నిమ్మకాయ - ఒకటి
కీర దోసకాయ - సగం
పుదీనా ఆకులు - పది
సబ్జా గింజలు - ఒక టీస్పూన్
నల్ల ఉప్పు - చిటికెడు
తయారీ: సబ్జా గింజలను విడిగా నానబెట్టాలి. ఒక గాజు సీసాలో నీటిని తీసుకుని అందులో నిమ్మకాయ, దోసకాయ ముక్కలు, పుదీనా ఆకులు వేయాలి. ఈ మిశ్రమాన్ని ఒక రోజంతా అలాగే ఉంచాలి. మరుసటిరోజు అందులో సబ్జా గింజలు వేసుకుని రోజంతా కొద్దికొద్దిగా తాగుతూ ఉండాలి. దాంతో శరీరంలో వేడి తగ్గి, బాడీలో హైడ్రేషన్ మెయింటెయిన్ అవుతుంది.
స్పైసీ టానిక్
కావాల్సినవి:
నీళ్లు - ఒక గ్లాస్
వాము, సోంపు, జీలకర్ర -
ఒక్కో టీస్పూన్
తేనె - కొద్దిగా
అల్లం - చిన్న ముక్క
తయారీ:
ఒక గ్లాసు నీటిలో జీలకర్ర, సోంపు, వాము, అల్లం ముక్క వేసి రాత్రంతా నానబెట్టాలి. మరుసటి రోజు ఉదయం ఆ నీటిని వడకట్టాలి. అందులో తేనె కలుపుకుని ఖాళీ కడుపుతో తాగాలి. ఈ డ్రింక్ మెటబాలిజంను ఇంప్రూవ్ చేస్తుంది. వెయిట్లాస్కు ఉపయోగకరంగా ఉంటుంది.
స్మూతీ
కావాల్సినవి:
పుచ్చకాయ ముక్కలు, కొబ్బరి నీళ్లు - ఒక్కో కప్పు
ఆపిల్ - ఒకటి
చియా సీడ్స్ - ఒక టీస్పూన్
దాల్చిన చెక్క - చిన్న ముక్క
కొత్తిమీర - కొద్దిగా
తయారీ :
మిక్సీజార్లో కొబ్బరి నీళ్లు పోసి అందులో పుచ్చకాయ, ఆపిల్ ముక్కలు, దాల్చిన చెక్క, కొత్తిమీర వేసి మెత్తగా గ్రైండ్ చేయాలి. ముందుగానే నానబెట్టిన చియా సీడ్స్ను పైన వేసుకుంటే తాగడమే తరువాయి. ఈ డ్రింక్ శరీరానికి కావాల్సిన పోషకాలను అందించి హార్మోన్లను బ్యాలెన్స్ చేయడంలో సాయపడుతుంది.
