కోల్బెల్ట్, వెలుగు: బొగ్గు ఉత్పత్తి, ఉత్పాదకత, రవాణా లక్ష్యాలు సాధిస్తేనే సింగరేణికి ఉజ్వల భవిష్యత్ ఉంటుందని మందమర్రి ఏరియా జీఎం ఎన్.రాధాకృష్ణ అన్నారు. గురువారం జీఎం ఆఫీస్లో విలేకర్లు, యూనియన్లతో వేర్వేరుగా నిర్వహించిన సమావేశాల్లో మల్టీ డిపార్ట్మెంట్కమిటీల పర్యటనపై మాట్లాడారు. బొగ్గు ఉత్పత్తి, ఉత్పాదకతను మెరుగుపర్చాలనే లక్ష్యంతో అన్ని బొగ్గు గనులపై మల్టీ డిపార్ట్మెంట్కమిటీలు పర్యటించనున్నట్లు చెప్పారు.
సంస్థ స్థితిగతులు, గనులు ఉత్పత్తి లక్ష్యాలు, ఉత్పాదకతను పెంచడం, రవాణా, భారీ యంత్రాలను వినియోగించడం, ఉత్పత్తి వ్యయాన్ని తగ్గించడం, కార్మికుల సంక్షేమం.. అంశాలపై సంస్థ చర్యలను కార్మికులకు వివరించనున్నట్టు తెలిపారు. మల్టీ డిపార్ట్మెంట్కమిటీలు ఈనెల 18 నుంచి 23 వరకు అన్ని గనులపై పర్యటించనున్నట్లు చెప్పారు.
