- సెప్టెంబర్ మూడో వారం నుంచి నవంబర్ చివరి దాకా పోటీలు
కోల్బెల్ట్, వెలుగు: సింగరేణి కంపెనీ స్పోర్ట్స్క్యాలెండర్(2026–27) రిలీజైంది. సెప్టెంబర్మూడో వారం నుంచి నవంబర్నెలాఖరు వరకు యాన్యువల్గేమ్స్అండ్ స్పోర్ట్స్నిర్వహించనున్నారు. ఈ మేరకు శుక్రవారం మేనేజ్మెంట్ ఉత్తర్వులు జారీ చేసింది. ఈ స్పోర్ట్స్ నిర్వహణకు రూ.1.35 కోట్ల బడ్జెట్కు ఆమోదం తెలిపింది. కాగా 2026–27 ఆర్థిక సంవత్సరానికి స్పోర్ట్స్బడ్జెట్ గతేడాది కన్నా ఈసారి రూ.10లక్షలు అదనంగా కేటాయించింది.
ఈ బడ్జెట్ను గేమ్స్కు అవసరమైన మెటీరియల్, క్రీడాకారులకు యూనిఫాం, షూస్, మెడల్స్, బహుమతులు ఇతర అవసరాలకు వినియోగించాలి. దేశవ్యాప్తంగా బొగ్గు పరిశ్రమల్లో పనిచేసే కార్మికులకు ఏటా కోలిండియా స్థాయిలో పోటీలు నిర్వహిస్తుంటారు. ఈ ఏడాది కోలిండియా స్థాయి బాడీ బిల్డింగ్, వెయిట్లిప్టింగ్, పవర్లిప్టింగ్పోటీలకు సింగరేణిలోని రామగుండం-1 ఏరియా ఆతిథ్యమివ్వనుంది.
గేమ్స్షెడ్యూల్ ఇలా..
సింగరేణి యాజమాన్యం ఆధ్వర్యంలో సెప్టెంబర్29,30 తేదీల్లో రామగుండం-3 ఏరియాలో బాల్ బాడ్మింటన్, కబడ్డీ పోటీలు, అక్టోబర్6,7 తేదీల్లో రామగుండం-2 ఏరియాలో హాకీ పోటీలు, 8,9 తేదీల్లో బెల్లంపల్లి ఏరియాలో మెన్, విమెన్కు బాడీ బిడ్డింగ్, వెయిట్లిప్టింగ్, పవర్లిఫ్టింగ్పోటీలు, 13,14 తేదీల్లో శ్రీరాంపూర్ఏరియాలో బాడ్మింటన్, టేబుల్టెన్నిస్ పోటీలు, 15,16 తేదీల్లో భూపాలపల్లి ఏరియాలో ల్యాన్టెన్నిస్, బాస్కెట్బాల్, అక్టోబర్ 27, 28 తేదీల్లో కొత్తగూడెం కార్పొరేట్ఏరియాలో వాలీబాల్, 29,30 తేదీల్లో కొత్తగూడెం ఏరియాలో క్యారమ్స్, చెస్, నవంబర్4, 5 తేదీల్లో రామగుండం-1 ఏరియాలో ఫుట్బాల్, 11,12,13 తేదీల్లో మందమర్రి ఏరియాలో క్రికెట్,17,18 తేదీల్లో ఎల్లందు ఏరియాలో అథ్లెటిక్స్, స్విమ్మింగ్, త్రో బాల్(విమెన్), మణుగూరు ఏరియాలో నవంబర్ 19,20 తేదీల్లో సాంస్కృతిక పోటీలను నిర్వహించనున్నట్లు సింగరేణి యాజమాన్యం పేర్కొంది.
