రాజస్థాన్ లోని ఉదయ్ పూర్ లో కన్హయ్య లాల్ ఘటనను మరవకముందే అటువంటిదే మరో ఘటన చోటుచేసుకుంది. సోషల్ మీడియాలో నుపుర్ శర్మకు మద్దతుగా పోస్ట్ చేసిన మరో వ్యక్తి హత్యకు గురయ్యాడు. మహారాష్ట్ర అమరావతికి చెందిన ఫార్మసిస్ట్ ఉమేష్ కొల్హే.. నుపుర్ శర్మకు మద్దతుగా ఫేస్బుక్ లో ఓ పోస్ట్ పెట్టాడు. దీంతో కొంతమంది దుండగులు ఉమేష్ కొల్హేను దారుణంగా హత్యచేశారు. ఈ కేసును కూడా హోంశాఖ ఎన్ఐఏకు అప్పగించింది.
ఈ కేసులో ఆరుగురిని అరెస్ట్ చేసినట్లు అమరావతి డీసీపీ విక్రమ్ తెలిపారు. నుపుర్ శర్మకు మద్దతుగా ఉమేష్ కొల్హే సోషల్ మీడియాలో ఓ పోస్ట్ చేశారని, దాని వల్లే ఈ హత్య జరిగినట్లు గుర్తించామని వెల్లడించారు.
#WATCH Umesh Kolhe murder case | A total of six accused have been arrested so far from Amravati. During the investigation, we found that Umesh Kolhe had posted on social media in support of Nupur Sharma and this incident took place because of that post: Vikram Sali, DCP Amravati pic.twitter.com/0XRnfWjWXS
— ANI (@ANI) July 2, 2022
