సంగారెడ్డి జిల్లాలో పెను ప్రమాదం తప్పింది. పటాన్ చెరు మండలం కర్దనూర్ ఓఆర్ఆర్ పై సాల్వెంట్ డ్రమ్ముల లోడుతో వెలుతున్న డీసీఎం అదుపుతప్పి డివైడర్ ని ఢీకొంది. దీంతో సాల్వెంట్ డ్రమ్ములన్నీ రోడ్డుపై చెల్లాచెదురుగా పడిపోయాయి. ఈ డ్రమ్ములు పేలకపోవడంతో పెను ప్రమాదం తప్పిందని స్థానికులు చెబుతున్నారు. ప్రమాదంలో డ్రైవర్ శ్రీనివాస్ కు గాయాలయ్యాయి. కర్నూల్ నుంచి హైదరాబాద్ సూరారంకు వెళుతుండగా ఈ ఘటన జరిగింది.
