సౌరవ్ గంగూలీ క్రికెట్ లోకి అడుగుపెట్టి 30 సంవత్సరాలు అవుతోంది. ఈ నేపథ్యంలో దాదా ట్విట్టర్ వేదికగా అభిమానులకు థ్యాంక్స్ చెప్పాడు. ‘1992లో క్రికెట్ లోకి అడుగుపెట్టా. 30 ఏళ్ల ఈ సుదీర్ఘ ప్రయాణంలో క్రికెట్ నాకు చాలా ఇచ్చింది. అందులో చాలా ముఖ్యమైనది మీ(అభిమానుల) అండదండలు. మీ అభిమానమే నన్ను ఇంతటి వాణ్ని చేసింది. ఈ రోజు నుంచి కొత్త జర్నీ మొదలుపెట్టబోతున్నా. నా ఈ కొత్త ప్రయాణంలో ప్రజలకు మరింత సేవ చేయాలనుకుంటున్నా. ఎప్పటిలాగే దీనికి కూడా మీ సపోర్టు ఉంటుందని ఆశిస్తున్నా’ అంటూ సౌరవ్ గంగూలీ ట్వీట్ చేశాడు.
— Sourav Ganguly (@SGanguly99) June 1, 2022
దాదా తాజా ప్రకటనతో అటు క్రికెట్ అభిమానులు, ఇటు ప్రజల్లో ఆసక్తి నెలకొంది. ఇంతకీ దాదా మొదలుపెట్టబోయే ఆ కొత్త జర్నీ ఏంటనీ అందరూ చర్చించుకుంటున్నారు. కాగా..సౌరవ్ గంగూలీ ప్రస్తుతం బీసీసీఐ ప్రెసిడెంట్ గా ఉన్నాడు. ఇకపోతే త్వరలోనే దాదా రాజకీయ అరంగేట్రం చేయబోతున్నాడని వార్తలు వస్తున్నాయి.
మరిన్ని వార్తల కోసం...
