ఆదిలాబాద్, వెలుగు: బ్యాంకులు, ఏటీఎం, గోల్డ్ లోన్ ఆఫీసుల వద్ద అలారం వ్యవస్థను పటిష్టంగా ఏర్పాటు చేసుకోవాలని ఆదిలాబాద్ ఎస్పీ అఖిల్ మహాజన్ సూచించారు. గురువారం జిల్లా కేంద్రంలోని పోలీస్ హెడ్ క్వార్టర్స్లో పోలీసులు, బ్యాంక్ అధికారులతో రివ్యూ నిర్వహించారు. బ్యాంకుల్లో డబ్బులు, బంగారు ఆభరణాలు సురక్షితంగా ఉంటాయని ప్రజలు నమ్ముతుంటారని, ఆ నమ్మకాన్ని ఒమ్ము చేయకుండా కలిసికట్టుగా నేరాల నియంత్రణకు కృషి చేయాలని పిలుపునిచ్చారు.
అధునాతన సాంకేతిక పరిజ్ఞానం కలిగిన సెన్సార్లను, సీసీటీవీ కెమెరాలను, అలారం వ్యవస్థను ఏర్పాటు చేసుకోవాలన్నారు. ఈ అలారం వ్యవస్థను దగ్గర్లో ఉన్న పోలీస్ స్టేషన్కు అనుసంధానం చేసుకోవాలని సూచించారు. సమావేశంలో అడిషనల్ ఎస్పీ సురేందర్ రావు, డీఎస్పీ జీవన్ రెడ్డి, సీఐలు సునీల్ కుమార్, కరుణాకర్ రావు, ఫణిధర్, బ్యాంకు అధికారులు పాల్గొన్నారు.
