హైదరాబాద్, వెలుగు: యూత్ ఫుట్వేర్ బ్రాండ్ స్పార్క్స్ సరికొత్త చంకీ సోల్ శాండల్స్‌ను మార్కెట్లోకి విడుదల చేసింది. వీటికి బాలీవుడ్ నటుడు చంకీ పాండే బ్రాండ్ అంబాసిడర్‌గా వ్యవహరిస్తున్నారు. తన పేరుకు తగ్గట్టే చంకీ సోల్స్‌ను ప్రమోట్ చేస్తూ ఈ ప్రచార చిత్రాన్ని హాస్యభరితంగా రూపొందించారు. ఈ కొత్త కలెక్షన్ యువతకు సరికొత్త ఫ్యాషన్ అనుభూతిని అందిస్తుందని సంస్థ పేర్కొంది.
ప్రస్తుత కాలంలో ఫ్యాషన్ అనేది కేవలం దుస్తులకు మాత్రమే పరిమితం కాకుండా వ్యక్తిత్వానికి అద్దం పడుతోంది. అంతర్జాతీయంగా ప్రాచుర్యం పొందిన చంకీ సోల్ ట్రెండ్‌ను భారతీయ వినియోగదారులకు పరిచయం చేయడమే లక్ష్యంగా స్పార్క్స్ ఈ ఉత్పత్తులను రూపొందించింది. స్టైల్‌తో పాటు సౌకర్యానికి ప్రాధాన్యత ఇస్తూ వీటిని తయారు చేశారు. నగర వీధుల్లో తిరగడానికి లేదా వారాంతపు విహారయాత్రలకు ఈ శాండల్స్ ఎంతో అనువుగా ఉంటాయి. ఈ పాదరక్షలను ఆధునిక జీవనశైలికి అనుగుణంగా స్పోర్టీ నిర్మాణం, మన్నికైన పదార్థాలతో తీర్చిదిద్దారు.
వీటిలోని సర్దుబాటు చేసే స్ట్రాప్స్ కాళ్లకు సురక్షితమైన పట్టును ఇస్తాయి. మెరుగైన కుషనింగ్, తేలికపాటి బరువు కారణంగా ఉదయం నుంచి రాత్రి వరకు ధరించినా ఎటువంటి ఇబ్బంది ఉండదు. డెనిమ్స్, షార్ట్స్, అథ్లీజర్ వంటి అన్ని రకాల దుస్తులకు ఇవి చక్కగా సరిపోతాయి. స్పార్క్స్ తన ఫ్యాషన్ ఫస్ట్ డిజైన్ ఫిలాసఫీలో భాగంగా ఈ కొత్త సిరీస్‌ను ప్రవేశపెట్టింది. నిత్యం బిజీగా ఉండే యువతకు స్టైల్, సౌకర్యం రెండూ అందించడమే ఈ ఉత్పత్తుల ప్రధాన ఉద్దేశ్యమని కంపెనీ తెలిపింది.
