అదో గేటెడ్ కమ్యూనిటీ అపార్ట్ మెంట్స్.. పార్కింగ్ ఏరియా.. ఓ పిల్లోడు త్రో సైకిల్పై ఆడుకుంటూ ఉన్నాడు. అదే సమయంలో అపార్ట్ మెంట్స్లోకి వచ్చిన ఓ ఖరీదైన కారు.. ఆ పిల్లోడిని ఢీకొట్టి.. ఆ పిల్లోడి మీదుగా వెళ్లింది. పిల్లోడి పొట్ట మీదుగా కారు టైర్లు వెళ్లటం సీసీ కెమెరాల్లో రికార్డ్ అయ్యింది. పూణె సిటీలోని ఓ హై ఎండ్ గేటెడ్ కమ్యూనిటీ పార్ట్ మెంట్స్లో జరిగిన ఈ ఘోరమైన ఘటన సీసీ కెమెరా విజువల్స్.. ఇప్పుడు ఇంటర్నెట్లో వైరల్ అవుతుంది. ఈ ఇన్సిడెంట్ పూర్తి వివరాలు ఇలా ఉన్నాయి.
పూణే కల్భోర్ ప్రాంతంలోని జాయ్ నెస్ట్ గేటేడ్ కమ్యూనిటీలో దారుణం జరిగింది. గురువారం (జనవరి 22) సాయంత్రం కమ్యూనిటీలోని పార్కింగ్ ప్రాంగణంలో త్రో సైకిల్తో ఆడుకుంటున్న ఐదేళ్ల బాలుడుని కారు వేగంగా వచ్చి ఢీకొట్టి మీద నుంచి దూసుకెళ్లింది. వెంటనే బాలున్ని సమీపంలోని ప్రైవేట్ ఆసుపత్రికి తరలించారు. తీవ్రంగా గాయపడటంతో మార్గమధ్యలోని బాలుడు మరణించాడని వైద్యులు ప్రకటించారు. బాలుడి తండ్రి ఫిర్యాదు మేరకు పోలీసులు కారు డ్రైవర్పై కేసు నమోదు చేసి దర్యాప్తు చేపట్టారు.
Also Raed : పిల్లలు పుట్టడం లేదని భార్యను చంపిన భర్త
ముంధ్వా రోడ్ ప్రాంతానికి చెందిన కారు డ్రైవర్ తన స్నేహితుడిని డ్రాప్ చేసేందుకు గేటేడ్ కమ్యూనిటీలోకి వచ్చినట్లు పోలీసులు గుర్తించారు. ఫ్రెండ్ను దింపి తిరిగి వేగంగా వెళ్తూ బాలుడిని ఢీకొట్టాడని పోలీసులు తెలిపారు. ఈ ఘటనకు సంబంధించిన సీసీ ఫుటేజ్ ఇంటర్నెట్లో వైరల్గా మారింది.
ఈ వీడియో ప్రకారం.. పార్కింగ్ ప్రదేశంలో ఐదేళ్ల బాలుడు త్రో సైకిల్పై ఆడుకుంటుండగా వేగంగా వచ్చిన కారు బాలున్ని ఢీకొట్టి మీదినుంచి దూసుకెళ్లింది. ఈ ఘటనలో బాలుడి తీవ్రంగా గాయపడ్డాడు. వెంటనే కారు దిగొచ్చిన డ్రైవర్ బాలున్ని ఆసుపత్రికి తరలించారు. పార్కింగ్ ప్రదేశంలో అంత వేగంగా వెళ్లడం ఏంటని కారు డ్రైవర్పై కమ్యూనిటీవాసులు మండిపడుతున్నారు. నివాస ప్రాంగణంలో హైస్పీడ్ డ్రైవింగ్కు ఎలా అనుమతి ఇచ్చారని, డ్రైవర్పై కఠిన చర్యలు తీసుకోవాలని డిమాండ్ చేశారు.
