ముంబై: అమెరికా వచ్చే నెల నుంచి బ్రాండెడ్ డ్రగ్స్పై 100 శాతం సుంకాలు విధిస్తున్నట్లు ప్రకటించడంతో దేశీయ స్టాక్మార్కెట్లు కుదేలయ్యాయి. ఫార్మా, ఐటీ షేర్లలో భారీ అమ్మకాల వల్ల సెన్సెక్స్, నిఫ్టీ వరుసగా ఆరో రోజు కూడా దాదాపు ఒక శాతం తగ్గాయి. సెన్సెక్స్ 733.22 పాయింట్లు తగ్గి మూడు వారాల కనిష్ట స్థాయి 80,426.46 వద్ద ముగిసింది. ఒక దశలో ఇది 827.27 పాయింట్లు పడిపోయింది. 50 షేర్ల ఎన్ఎస్ఈ నిఫ్టీ 236.15 పాయింట్లు (0.95 శాతం) తగ్గి మూడు వారాల కనిష్ట స్థాయి 24,654.70కు చేరింది.
సెప్టెంబర్ 19 నుంచి ఈ ఇండెక్స్ ఆరు వరుస సెషన్లలో 3 శాతం పతనమైంది. సెన్సెక్స్ ఆరు సెషన్లలో 2,587.50 పాయింట్లు (3.16) శాతం తగ్గింది. వచ్చే నెల నుంచి బ్రాండెడ్, పేటెంట్ ఉన్న ఫార్మాస్యూటికల్ డ్రగ్స్పై 100 శాతం దిగుమతి సుంకాలను ట్రంప్ విధిస్తున్నట్లు ప్రకటించారు. దీంతో చాలా ఫార్మా షేర్లు పతనమయ్యాయి.
బీఎస్ఈ హెల్త్‌‌‌‌‌‌‌‌కేర్ ఇండెక్స్2.14 శాతం నష్టపోయింది. వాక్హార్ట్ షేర్లు 9.4 శాతం తగ్గాయి. లారస్ ల్యాబ్స్, బయోకాన్, జైడస్ లైఫ్, గ్లెన్మార్క్, సన్ ఫార్మా డాక్టర్ రెడ్డీస్ షేర్లు తగ్గాయి. సెన్సెక్స్ కంపెనీలలో మహీంద్రా అండ్ మహీంద్రా, ఎటర్నల్, టాటా స్టీల్, బజాజ్ ఫైనాన్స్, ఏషియన్ పెయింట్స్, సన్ ఫార్మా, టెక్ మహీంద్రా, ఇన్ఫోసిస్, టాటా కన్సల్టెన్సీ సర్వీసెస్, హెచ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సీఎల్ టెక్ నష్టపోయాయి. లార్సెన్ అండ్ టూబ్రో, టాటా మోటార్స్, ఐటీసీ రిలయన్స్ ఇండస్ట్రీస్ లాభపడ్డాయి.
ఇండెక్స్లకు నష్టాలే
బీఎస్ఈ స్మాల్‌ క్యాప్ ఇండెక్స్ 2.05 శాతం, మిడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌క్యాప్ ఇండెక్స్ 1.96 శాతం తగ్గాయి. అన్ని సెక్టోరల్ ఇండెక్స్లు పడ్డాయి. టెలికం 2.69 శాతం, బీఎస్ఈ ఫోకస్డ్ ఐటీ 2.43 శాతం, ఐటీ 2.41 శాతం, కన్జ్యూమర్ డ్యూరబుల్స్ 2.34 శాతం, టెక్ 2.03 శాతం, కమోడిటీస్ 1.91 శాతం, మెటల్ 1.90 శాతం, సర్వీసెస్ 1.73 శాతం, కన్జ్యూమర్ డిస్క్రిషనరీ 1.70 శాతం పడిపోయాయి. బీఎస్ఈలో 3,100 స్టాక్స్ తగ్గగా, 1,041 లాభపడ్డాయి . గత గురువారం నుంచి బీఎస్ఈ బెంచ్మార్క్ 2,587.5 పాయింట్లు, నిఫ్టీ 768.9 పాయింట్లు పతనమైంది.
ఆసియా మార్కెట్లలో దక్షిణ కొరియా కోస్పి, జపాన్ నిక్కీ 225 ఇండెక్స్, షాంఘై ఎస్ఎస్ఈ కాంపోజిట్ ఇండెక్స్, హాంకాంగ్ హాంగ్ సెంగ్ భారీగా తగ్గాయి. యూరప్ ఈక్విటీ మార్కెట్లు పాజిటివ్గా ట్రేడ్ అవుతున్నాయి. గురువారం యూఎస్ మార్కెట్లు తగ్గాయి. ఎఫ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఐఐలు గురువారం రూ. 4,995.42 కోట్ల విలువైన ఈక్విటీలను అమ్మారు. గ్లోబల్ ఆయిల్ బెంచ్ మార్క్ బ్రెంట్ క్రూడ్ 0.27 శాతం తగ్గి బ్యారెల్ 69.23 డాలర్లకు చేరింది.
