ఘట్కేసర్, వెలుగు: క్రీడల్లో రాణిస్తే ఉజ్వల భవిష్యత్ ఉంటుందని రాష్ట్ర గవర్నర్ జిష్ణుదేవ్ వర్మ తెలిపారు. పోచారం మున్సిపాలిటీ అన్నోజిగూడలోని విద్యా విహార్ పాఠశాలలో శనివారం జరిగిన వార్షిక క్రీడోత్సవాలకు ఆయన ముఖ్యఅతిథిగా హాజరయ్యారు. విద్యార్థులు చదువులతోపాటు క్రీడల్లో రాణించాలని, క్రీడల్లో ఉజ్వల భవిష్యత్తు ఉందన్నారు. ఓటమితో కుంగిపోకుండా నిత్యసాధన చేయాలన్నారు. అనంతరం విజేతలకు బహుమతులు ప్రధానం చేశారు. చిన్నారులతో కలిసి పోటోలు దిగారు. ఈ కార్యక్రమంలో ఆర్ఎస్ఎస్ దక్షిణ మధ్య ప్రచారక్ శ్రీరామ్ భరత్కుమార్, టీచర్లు, విద్యార్థులు తల్లిదండ్రులు పాల్గొన్నారు.
