బంగారం, వెండి రేట్లు వరుసగా పతనం కావటానికి అంతర్జాతీయ కారణాలే ప్రధానమైనవిగా చెబుతున్నారు బులియన్ మార్కెట్ నిపుణులు. స్పాట్ మార్కెట్లో గోల్డ్ అండ్ సిల్వర్ పై ఇన్వెస్ట్ చేసేటోళ్లు తగ్గిపోవటంతో బంగారం రేటు ఏడాది కింది స్థాయిలకు చేరుకోగా.. వెండి రేటు 60 శాతానికి పైగా తగ్గింది. దీంతో మార్కెట్లో రేట్లు ఆకాశాన్ని అంటుతాయ్ అంటూ ఊదరగొట్టడంతో నమ్మి అధిక రేట్ల వద్ద కొనుక్కున్న చాలా మంది ప్రస్తుతం డైలమాలో ఉన్నారు. ఈ పరిస్థితులను క్యాష్ చేసుకునేందుకు రిటైలర్లు ఇప్పటికే కార్తీకమాసంలో షాపులకు క్యూ కట్టారు.
హైదరాబాద్ లో 2026, నవంబర్ 20వ తేదీ బంగారం ధరలు ఇలా ఉన్నాయి :
24 క్యారెట్ల 10 గ్రాముల బంగారం ధర : లక్షా 25 వేల 080 రూపాయలు
22 క్యారెట్ల 10 గ్రాముల బంగారం ధర : లక్షా 14 వేల 650 రూపాయలు
18 క్యారెట్ల 10 గ్రాముల బంగారం ధర : 93 వేల 810 రూపాయలు
ఇక వెండి ధర విషయానికి వస్తే.. హైదరాబాద్ సిటీలో కిలో వెండి : లక్షా 75 వేల రూపాయలు
నవంబర్ 21న బంగారం రేట్లు తగ్గాయి. 24 క్యారెట్ల బంగారం రేటు గ్రాముకు 49 రూపాయలు తగ్గింది. దీంతో హైదరాబాద్, వరంగల్, నిజాంబాద్, ఖమ్మం, విజయవాడ, విశాఖపట్నం, తిరుపతి, కడప నగరాల్లో స్వచ్చమైన బంగారం రేటు రూ.12వేల 508గా కొనసాగుతోంది. శనివారం రోజున రూ.లక్షా 25వేల 080కి చేరుకుంది. అలాగే ఈ నగరాల్లో 22 క్యారెట్ల బంగారం రేటు గ్రాముకు రూ.11వేల 465గా కొనసాగుతోంది. అంటే 10 గ్రాముల బంగారం రేటు అంటే తులం రూ.లక్షా 14వేల 650 వద్ద అమ్మకాలు జరుగుతున్నాయి.
శనివారం రోజున వెండి రేట్ల విషయానికి వస్తే.. నవంబర్ 21, 2026న దేశవ్యాప్తంగా స్థిరంగా కొనసాగుతున్నాయి. దీంతో రెండు తెలుగు రాష్ట్రాల్లోని ప్రధాన నగరాలైన హైదరాబాద్, వరంగల్, నిజాంబాద్, ఖమ్మం, విజయవాడ, విశాఖపట్నం, తిరుపతి, కడపలో కూడా స్వచ్ఛమైన వెండి కేజీకి రూ.లక్షా 75వేలుగా కొనసాగుతోంది. అంటే గ్రాము దాదాపు రూ.175 దగ్గర ఉంది.
తులం రేటు రూ.లక్షకు తగ్గుతుందా?
ప్రస్తుతం 24 క్యారెట్ల స్వచ్ఛమైన బంగారం రేటు భారీగా తగ్గిన తర్వాత రిటైల్ మార్కెట్లో తులం రూ.లక్షా 25వేలకు దగ్గరగా కొనసాగుతోంది. ట్రంప్ ఓటమి, ఇరాన్ యుద్ధం నెమ్మదించటం, క్రూడ్ ఆయిల్ రేట్ల తగ్గుదల, ద్రవ్యోల్బణంతో పెరుగుతున్న వడ్డీ రేట్లు వంటి పరిణామాలతో బంగారంపై పెట్టుబడులు పెట్టే పెద్దపెద్ద ఇన్వెస్టర్లు వెనక్కి తగ్గుతున్నారు. మరోపక్క ఏఐ స్టాక్స్ కూడా కుప్పకూలటంతో అధిక లాభాలను ఇచ్చే ఈక్విటీలు, స్థిరమైన వడ్డీ ఆదాయాన్ని ఇచ్చే బాండ్లలోకి డబ్బును తరలిస్తున్నారు. అందువల్ల రానున్న 6 నెలల నుంచి ఏడాది కాలంలో తులం బంగారం ధర రూ.లక్ష నుంచి రూ.లక్షా 10వేల మధ్యకు దిగిరావొచ్చని నిపుణులు చెబుతున్నారు. బేర్స్ మార్కెట్ ఇలాగే కొనసాగితే మాత్రం లక్ష రూపాయల దిగువకు కూడా బంగారం రేటు పడిపోవచ్చని అంచనా వేస్తున్నారు.
