డిగ్రీ, పీజీ పరీక్షలపై ఉన్నత విద్యా మండలి గైడ్లైన్స్
హైదరాబాద్, వెలుగు: లాక్డౌన్ వల్లవాయిదా పడ్డ పీజీ, డిగ్రీ పరీక్షల నిర్వహణపై రాష్ట్ర ఉన్నత విద్యామండలి క్లారిటీ ఇచ్చింది. జూన్20 నుంచి ఫైనల్ సెమిస్టర్ ఎగ్జామ్స్ నిర్వహించుకోవాలని సూచించింది. మిగిలిన సెమిస్టర్ల ఎగ్జామ్స్ నునవంబర్, డిసెంబర్ లో పెట్టాలని ఆదేశాలు జారీ చేసింది. బ్యాక్ లాగ్తో సంబంధం లేకుండా స్టూడెంట్స్ ను ప్రమోట్ చేయాలని సూచించింది. శుక్రవారం అన్ని వర్సిటీలకు 2019–20 ఎగ్జామ్స్ గైడ్లైన్స్ను ఉన్నత విద్యామండలి చైర్మన్ పాపిరెడ్డి రిలీజ్ చేశారు. పరీక్షా సమయాన్ని 3 గంటల నుంచి 2 గంటలకు కుదించాలని సూచించారు. మొత్తం సిలబస్ను కవర్ చేయాలని, ప్రశ్నాపత్రంలో ఎక్కువ ఛాయిస్లు ఇవ్వాలని గైడ్ లైన్స్ లో పేర్కొన్నారు. ప్రతి రెండు సెషన్స్లో పరీక్షలు నిర్వహించా లని, ఒక సెషన్లో బీకాం, మరో సెషన్లో బీఏ, బీఎస్సీ స్టూడెంట్స్ కు ఎగ్జామ్స్పెట్టాలన్నారు. ఇంటర్నల్స్, ప్రాక్టికల్స్ ను కాలేజీలే నిర్వహించుకోవాలని సూచించారు.
For More News..
