సూసైడ్ అటెంప్ట్ చేసిన మిస్ తెలంగాణ

V6 Velugu Posted on Oct 28, 2021

హైదరాబాద్‎లో ఓ యువతి ఆన్‎లైన్‎లో ఆత్మహత్యాయత్నం చేసింది. సమయానికి స్పందించిన పోలీసులు యువతిని కాపాడారు. వివరాలలోకి వెళ్తే.. హాసిని అనే యువతి నారాయణగూడ పోలీసు స్టేషన్ పరిధిలోని హిమాయత్‎నగర్ రోడ్ నెంబర్ 6లో ఓ అపార్ట్‎మెంట్‎లోని ఫ్లాట్‎లో ఉంటోంది. హాసిని 2018లో మిస్ తెలంగాణకు ఎంపికైంది. కాగా.. హాసిని ఈ రోజు ఉదయం సూసైడ్ అటెంప్ట్ చేసింది. పైగా తన సూసైడ్‎ను ఆన్‎లైన్‎లో పెట్టింది. గమనించిన స్నేహితులు వెంటనే పోలీసులకు సమాచారమిచ్చారు. హుటాహుటిన యువతి ఇంటికి వెళ్లిన పోలీసులు.. ఆమెను ప్రాణాలతో కాపాడగలిగారు. యువతిని వెంటనే హైదర్ గూడలోని అపోలో ఆస్పత్రికి తరలించారు. ప్రస్తుతం యువతి ఆరోగ్యం నిలకడగానే ఉన్నట్లు వైద్యులు తెలిపారు. తనను ఓ యువకుడు శారీరకంగా వేధిస్తున్నాడని హాసిని ఇటీవల జూబ్లీహిల్స్ పోలీస్‎స్టేషన్‎లో ఫిర్యాదు చేసింది. ఇది జరిగిన కొన్ని రోజులకే హాసిని ఆత్మహత్యాయత్నం చేయడంపై పలు అనుమానాలు కలుగుతున్నాయి. కేసు నమోదు చేసిన నారాయణగూడ పోలీసులు.. దర్యాప్తు చేస్తున్నారు.

Tagged Hyderabad, Narayanaguda, harassment, suicide attempt, Miss Telangana, Hasini

Latest Videos

Subscribe Now

More News