- రూ.3 లక్షలు తీసుకుంటూ పట్టుబడిన లచ్చూనాయక్
నల్గొండ అర్బన్, వెలుగు: నల్గొండలోని ప్రభుత్వ దవాఖాన సూపరింటెండెంట్ డాక్టర్ లచ్చూనాయక్ లంచం తీసుకుంటూ ఏసీబీకి చిక్కారు. ఉమ్మడి జిల్లా ఏసీబీ డీఎస్పీ ఎం.వీ. శ్రీనివాసరావు కథనం ప్రకారం.. రాపోలు వెంకన్న నల్లగొండ ప్రభుత్వ దవాఖానకు సర్జికల్ డ్రగ్స్తో పాటు కొన్ని టెండర్లో లేని డ్రగ్స్ సప్లై చేస్తున్నాడు. 45 రోజుల కింద సూపరింటెండెంట్ లచ్చు నాయక్ డ్రగ్స్ సరఫరా చేయాలంటే తనకు లక్ష ఇవ్వాలని డిమాండ్ చేసి తీసుకున్నాడు. 15 రోజుల కింద మరో లక్ష తీసుకున్నాడు. మళ్లీ మరో రూ.3 లక్షలు అడగడంతో వెంకన్న ఏసీబీని ఆశ్రయించాడు. శుక్రవారం ప్రకాశం బజార్లోని లచ్చూనాయక్అద్దె ఇంట్లో రూ.3 లక్షలు తీసుకుంటుండగా పట్టుకున్నారు. ఏసీబీ డీఎస్పీ శ్రీనివాసరావు, ఇన్స్పెక్టర్లు రం గారావు, వెంకట్ రావు, రామారావు, సిబ్బంది శ్రీధర్, సంపత్, సుధాకర్ పాల్గొన్నారు.
