చౌటుప్పల్, వెలుగు: టీఆర్ఎస్ పాలనలో కొన్ని ప్రజా సమస్యలు పరిష్కారం కాలేదని, అంతమాత్రాన ఆ పార్టీని బలహీనపరచవద్దని సీపీఎం రాష్ట్ర కార్యదర్శి తమ్మినేని వీరభద్రం అన్నారు. పరిష్కారం కోసం ప్రభుత్వంపై పోరాటం చేద్దామని, కానీ బీజేపీని మునుగోడులో అడుగు పెట్టనీయవద్దన్నారు. యాదాద్రి జిల్లా చౌటుప్పల్ జరిగిన సీపీఎం మునుగోడు నియోజవర్గ కార్యకర్తల సమావేశంలో శనివారం ఆయన మాట్లాడారు.
బీజేపీని ఓడించడానికే టీఆర్ఎస్ అభ్యర్థి కూసుకుంట్ల ప్రభాకర్రెడ్డికి మద్దతిచ్చామని చెప్పారు. అయినప్పటికీ టీఆర్ఎస్ ప్రభుత్వ వైఫల్యాలపై కమ్యూనిస్టులుగా తాము నిత్యం పోరాడుతూనే ఉంటామని స్పష్టం చేశారు. కమ్యూనిస్టుల మీద ఇష్టమొచ్చినట్టు మాట్లాడకుండా నోరు అదుపులో పెట్టుకోవాలని బీజేపీ అభ్యర్థి కోమటిరెడ్డి రాజగోపాల్రెడ్డిని హెచ్చరించారు.
