- కేంద్ర ప్రభుత్వాన్ని ప్రశ్నించిన సుప్రీంకోర్టు
- 45 ఏండ్లపైన ఉన్నోళ్ల కోసమే మీరు వ్యాక్సిన్లు కొంటరా?.. ఆ లోపు వాళ్ల కోసమైతే రాష్ట్రాలకు వదిలేస్తరా?
- టీకా ధరల్లో తేడాలెందుకు? కేంద్రమే నిర్ణయించొచ్చు కదా..
న్యూఢిల్లీ: కేంద్ర ప్రభుత్వ వ్యాక్సిన్ విధానాలపై సుప్రీం కోర్టు అసహనం వ్యక్తం చేసింది. కరోనా టీకాల కొరత, కేంద్ర రాష్ట్ర ప్రభుత్వాలకు వేర్వేరు ధరలు, ఆన్లైన్ రిజిస్ట్రేషన్లపై వెల్లువెత్తిన విమర్శలను సుమోటోగా తీసుకున్న సుప్రీం కోర్టు.. సోమవారం విచారణ చేపట్టింది. అసలు ఏ లెక్కన వ్యాక్సిన్ విధానాన్ని అమలు చేస్తున్నారో చెప్పాలంటూ కేంద్ర ప్రభుత్వాన్ని జస్టిస్ డి.వై.చంద్రచూడ్, జస్టిస్ ఎల్ఎన్ రావు, జస్టిస్ ఎస్. రవీంద్రల బెంచ్ నిలదీసింది. ప్రభుత్వం ఏం చెప్పినా చెల్లుతుందనుకోవడం కరెక్ట్ కాదని, కోర్టులు ఎత్తిచూపిన లోపాలను సరిదిద్దుకోవాలని సూచించింది.
సెకండ్వేవ్లో 45 ఏళ్ల లోపు వాళ్లకే ముప్పు
‘‘45 ఏళ్లు దాటినోళ్లందరి కోసం మొత్తం వ్యాక్సిన్లను కొంటున్నారు. కానీ, 18–44 ఏళ్ల వారి కోసం మాత్రం రాష్ట్రాలే సగం కొనుక్కోవాలని చెప్తున్నారు. మిగతా వ్యాక్సిన్లను ప్రైవేట్కు ఇచ్చేస్తున్నారు. అందులోనూ వేర్వేరు ధరలను నిర్ణయించారు. కేంద్రానికి రూ.150 అయితే.. రాష్ట్రాలకు మాత్రం దాని కన్నా ఎక్కువ ధరకు అమ్ముతున్నారు. ధరలను నిర్ణయించే అధికారం కంపెనీలకే ఇచ్చారు. మెడికల్ అండ్ కాస్మెటిక్స్ యాక్ట్ ప్రకారం దేశం మొత్తానికి ఒకే ధరను కేంద్రమే నిర్ణయించొచ్చు కదా. అసలు ఏ పద్ధతిన మీరు వ్యాక్సిన్ విధానాన్ని రూపొందించారు?’’ అని కేంద్రాన్ని సుప్రీం ప్రశ్నించింది. సెకండ్ వేవ్లో 45 ఏండ్ల లోపు వాళ్లే ఎక్కువగా మహమ్మారి బారిన పడ్డారని బెంచ్ గుర్తు చేసింది.
ఆన్లైన్ రిజిస్ట్రేషన్లతో పల్లె జనానికి నష్టం
వ్యాక్సిన్ల కోసం ‘కొవిన్’లో రిజిస్ట్రేషన్ చేసుకోవాలనడం జనాల మధ్య గీత గీయడమేనని సుప్రీం కోర్టు మండిపడింది. దేశంలో డిజిటల్ లిటరసీ అతిపెద్ద సమస్య అని చెప్పింది. ఇంటర్నెట్ సక్కగ రాని పల్లెల్లో ఆన్లైన్ రిజిస్ట్రేషన్ వల్ల వ్యాక్సినేషన్కు అడ్డంకులు ఏర్పడతాయని పేర్కొంది. అయితే, దగ్గర్లోని ఇంటర్నెట్ సెంటర్కు వెళ్లి ఊరి వాళ్లు రిజిస్ట్రేషన్ చేసుకోవచ్చన్న కేంద్రం వివరణను కోర్టు తోసిపుచ్చింది. కాగా, ఈ ఏడాది చివరికి అర్హులందరికీ కరోనా టీకాలు వేస్తామని కేంద్రం చెప్పడంతో.. నెలకు 15 కోట్ల డోసులే వస్తే, ఆరు నెలల్లో ఎలా టార్గెట్ను చేరుకుంటారని సుప్రీం కోర్టు ప్రశ్నించింది.
దేశం మొత్తాన్ని పాలించట్లేదా?
గ్లోబల్ టెండర్ల మీదా కేంద్రాన్ని సుప్రీం నిలదీసింది. అయితే, అది అకడమిక్ వ్యవహారమని కేంద్రం చెప్పేందుకు ప్రయత్నించినా.. అది అకడమిక్ ఇష్యూ కాదంది. ముంబై టెండర్లు పిలిస్తే స్పుత్ని క్ తయారీ కంపెనీ బిడ్లు దాఖలు చేసిం దని, ఢిల్లీ, పంజాబ్ రాష్ట్రాలు ఫైజర్, మోడర్నాల నుంచి బిడ్లను పిలిచినా కంపెనీలు ఒప్పుకోలేదని గుర్తుచేసింది. టీకాల కొనుగోళ్లను రాష్ట్రాలకు వదిలే స్తారా, దేశం మొత్తాన్ని కేంద్రం పాలిం చట్లేదా? అని ప్రశ్నించింది. వ్యాక్సిన్ దిగుమతి అంశా న్ని రాష్ట్రాలకు వదిలే యడం కరెక్ట్ కాదని తేల్చి చెప్పింది.
