హైదరాబాద్, వెలుగు: ఫుడ్ డెలివరీ కంపెనీ స్విగ్గీ, హెచ్డీఎఫ్సీతో కలిసి స్విగ్గీ బ్లాక్, స్విగ్గీ ఆరెంజ్ పేర్లతో రెండు కొత్త క్రెడిట్ కార్డులు విడుదల చేసింది. ఫుడ్, ట్రావెల్, షాపింగ్ విభాగాల్లో మెరుగైన ప్రయోజనాలు అందించడమే వీటి లక్ష్యం. స్విగ్గీ బ్లాక్ కార్డు ద్వారా స్విగ్గీ ఆర్డర్లపై 10 శాతం క్యాష్ బ్యాక్ లభిస్తుంది.
వినోదం, ఈ– కామర్స్ ఖర్చులపై 5 శాతం వరకు క్యాష్ బ్యాక్ పొందవచ్చు. స్విగ్గీ ఆరెంజ్ కార్డు వినియోగదారులకు స్విగ్గీతో పాటు ఇతర ఆన్ లైన్ విభాగాల్లో 5 శాతం క్యాష్ బ్యాక్ లభిస్తుంది. క్లియర్ ట్రిప్, నైకా వంటి ప్లాట్ఫామ్ లపై ప్రత్యేక డిస్కౌంట్లు ఉంటాయి.
