పంజాబ్ నేషనల్ బ్యాంకు(PNB) కుంభకోణం కేసులో ప్రధాన నిందితుడు, ప్రముఖ వజ్రాల వ్యాపారి నీరవ్ మోడీకి స్విట్జర్లాండ్ ప్రభుత్వం షాకిచ్చింది. నీరవ్ తో పాటు ఆయన సోదరి పూర్వి మోడీకి చెందిన నాలుగు బ్యాంకు స్విస్ బ్యాంకు అకౌంట్లను నిలిపివేసింది. ఈ నాలుగు బ్యాంకు ఖాతాల్లో ఉన్న రూ.283 కోట్లు నగదును స్వాధీనం చేసుకున్నారు అధికారులు. అక్రమ లావాదేవీల నిరోధక చట్టం కింద ఈ ఖాతాలను నిలిపేయాలంటూ భారత్ కు చెందిన ఎన్ ఫోర్స్ మెంట్ డైరెక్టరేట్(ED) విజ్ఞప్తి తో స్విస్ అధికారులు ఈ చర్య తీసుకున్నారు. భారత బ్యాంకుల నుంచి కొల్లగొట్టిన మనీని అక్రమంగా స్విస్ ఖాతాల్లోకి మళ్లించారంటూ ED తెలిపింది. బెయిల్ కోసం నీరవ్ ఇప్పటివరకూ మూడుసార్లు దరఖాస్తు చేసుకోగా, అందుకు బ్రిటన్ లోని ఓ కోర్టు నిరాకరించింది. ప్రస్తుతం ప్రస్తుతం వాండ్స్‌వర్త్‌ జైల్లో ఉన్నాడు.
