సినిమా థియేటర్లకే కాదు.. సినిమా అభిమానులకు బంపరాఫర్ ఇచ్చింది తమిళనాడు కొత్త ప్రభుత్వం. ఇప్పటి వరకు దేశంలోని మెజారిటీ రాష్ట్రాల్లోని సినిమా థియేటర్లో రోజుకు నాలుగు షో మాత్రమే పడేవి. ఏదైనా కొత్త సినిమా రిలీజ్ అయినప్పుడు ఆ సినిమా టీం ప్రభుత్వాన్ని రిక్వెస్ట్ చేస్తే అదనపు షోలకు పర్మిషన్లు ఇవ్వడం మనం చూస్తునే ఉన్నాం.
మార్నింగ్ షో, మ్యాట్నీ, ఫస్ట్ షో.. సెకండ్ షో.. ఇప్పటి వరకు ఇది కామన్.. రెగ్యులర్. తమిళనాడులో ఇప్పుడు ఈ విధానం మారింది. కొత్త సినిమా విడుదలైన వారం రోజుల వరకూ ఐదు షోలు ప్రదర్శించుకునేందుకు విజయ్ ప్రభుత్వం అనుమతి ఇచ్చింది.
CM Vijay has granted permission to screen 5 shows daily for 7 days from the day of film's release in all the theatres across TN! 📢
— Cine World Entertainment 🌍 (@CineWorldEnt) May 25, 2026
Permission has also been granted to screen 5 shows on local holidays, government holidays, saturdays and sundays! 🎟️🍿#CMJosephVijay #TVKVijay pic.twitter.com/sruUgzgcQP
రోజుకు ఐదు ఆటలు వేసుకోవచ్చని.. టైమింగ్స్ మీరు అడ్జస్ట్ చేసుకోవచ్చని స్పష్టం చేస్తూ సీఎం విజయ్ ప్రభుత్వం కొత్త నిర్ణయం ప్రకటించింది. స్వతహాగా సినీ నటుడు అయిన తమిళనాడు ముఖ్యమంత్రి విజయ్ జోసెఫ్ సినీ పరిశ్రమకు భారీ ప్రయోజనం చేకూరేలా ఈ నిర్ణయం తీసుకున్నారు. ఇకపై.. తమిళనాడులోని సింగిల్ స్క్రీన్ థియేటర్లలో కొత్త సినిమాలు రిలీజైతే.. వారం రోజుల వరకూ రోజుకు 4 షోలకు బదులుగా ఐదు షోలు ప్రదర్శించుకునేందుకు విజయ్ TVK సర్కార్ అనుమతించింది. విజయ్ ప్రభుత్వం ఈ మేరకు ఉత్తర్వులు జారీ చేసింది.
ఇకపై.. అదనపు షోల కోసం ప్రభుత్వాలను అభ్యర్థించాల్సిన అవసరం సినీ నిర్మాతలకు లేదు. ఈ మేరకు అనుమతి కోరుతూ.. మే 16న తమిళనాడు సినీ పరిశ్రమ ప్రతినిధులు ముఖ్యమంత్రి విజయ్ను కలిశారు. విజయ్ ప్రభుత్వం ఈ అభ్యర్థనపై సానుకూలంగా స్పందించింది. కొత్తగా విడుదలైన తమిళ చిత్రాలను విడుదల తేదీ నుంచి ఏడు రోజుల పాటు రోజుకు ఐదు షోలు ప్రదర్శించడానికి థియేటర్లను అనుమతించేలా తమిళనాడు సినిమాస్ (రెగ్యులేషన్) రూల్స్లో చేసిన సవరణలను ముఖ్యమంత్రి ఆమోదించారు.
