గుండెపోటు రావడంతో హాస్పిటల్ లో చికిత్స పొందుతున్న సినీ నటుడు నందమూరి తారకరత్న ఆరోగ్యం విషమంగా ఉందని డాక్టర్లు ప్రకటించారు. బెంగళూరులోని నారాయణ హృదయాలయ వైద్యులు ఈ మేరకు హెల్త్ బులెటిన్ రిలీజ్ చేశారు. తారకరత్న ఆరోగ్యం విషమంగా ఉందని అందులో స్పష్టం చేశారు. కార్డియాలజిస్ట్‌లు, ఇంటెన్సివిస్ట్‌లతో సహా మల్టీ- డిసిప్లినరీ క్లినికల్ టీం తారకరత్న ఆరోగ్యాన్ని నిరంతరం పర్యవేక్షిస్తున్నట్లు చెప్పారు. మయోకార్డియల్ ఇన్ఫార్షన్, కార్డియోజెనిక్ షాక్ కారణంగా తారకరత్న పరిస్థితి విషమంగా మారిందని వైద్యులు హెల్త్ బులిటెన్‌లో తెలిపారు. ఆరోగ్య పరిస్థితి దృష్యా ఆయనకు మెరుగైన వైద్యం అందిస్తున్నట్లు ప్రకటించారు.
