- నివాస ప్రాంతాల్లో 7.5 లక్షల చార్జర్లు
న్యూఢిల్లీ: ఎలక్ట్రిక్ వెహికల్స్ వాడకం పెరుగుతున్న నేపథ్యంలో 2030 నాటికి దేశవ్యాప్తంగా పబ్లిక్ చార్జింగ్ స్టేషన్ల సంఖ్యను 10వేలకు పైగా పెంచాలని టాటా పవర్ యోచిస్తోంది. ఇళ్లలోనూ 7.5 లక్షల చార్జర్లను ఏర్పాటు చేయాలని లక్ష్యంగా పెట్టుకుంది. ప్రస్తుతం సంస్థ దేశవ్యాప్తంగా 6,700కు పైగా చార్జింగ్ పాయింట్లను నిర్వహిస్తోంది.
ఈవీల అమ్మకాలు అధికంగా ఉన్న మహారాష్ట్ర , దక్షిణ భారత రాష్ట్రాల్లో చార్జింగ్ స్టేషన్లను పెంచేందుకు ప్రాధాన్యం ఇస్తోంది. వాహనాల అమ్మకాలు , వినియోగదారుల డిమాండ్ను నిరంతరం పర్యవేక్షిస్తూ, ఎక్కడైతే చార్జింగ్ అవసరం ఎక్కువగా ఉందో అక్కడ ఈ సౌకర్యాలను కల్పించనుంది.
