ప్రముఖ స్మార్ట్‌ఫోన్ మేకర్ టెక్నో (Tecno) Pova 5 సిరీస్ స్మార్ట్‌ఫోన్‌లను భారత మార్కెట్లో లాంచ్ చేసేందుకు రెడీగా ఉంది. ఈ స్మార్ట్ ఫోన్లలో Tecno Pova 5, Tecno Pova 5 Pro ఉంటాయి. స్మార్ట్‌ఫోన్‌లు అమెజాన్ ద్వారా భారత మార్కెట్లో అందుబాటులో ఉంటాయి. కంపెనీ తన సోషల్ మీడియా హ్యాండిల్ ద్వారా డిజైన్, ఫోన్ స్పెసిఫికేషన్‌ల గురించి రివీల్ చేసింది. టెక్నో Pova 5 Pro వెనుకవైపు ఆర్క్ ఇంటర్‌ఫేస్ LEDని కలిగి ఉంటుందని భావిస్తున్నారు.
టెక్నో Pova 5, Pova 5 Pro ఫోన్లను ఆగస్టు 11న కంపెనీ వరల్డ్ ఆఫ్ టెక్నాలజీ ఈవెంట్‌లో భారత్‌లో లాంచ్ చేయనుంది. రాబోయే సిరీస్ గురించి టీజర్ వీడియో టెక్నో ఇండియా ట్విట్టర్ హ్యాండిల్‌లో షేర్ చేసింది. స్మార్ట్‌ఫోన్ డిజైన్‌ను సూచిస్తుంది. టెక్నో Pova 5 లైనప్ కోసం ప్రమోషనల్ పేజీ కూడా అమెజాన్‌లో లైవ్‌లో అందుబాటులో ఉంది.
ఫోన్ బ్యాక్ సైడ్ ఆర్క్ ఇంటర్‌ఫేస్ LEDని కంపెనీ టీజ్ చేసింది. అయితే, రెండు స్మార్ట్‌ఫోన్‌లు ఈ ఫీచర్‌ను పొందుతాయో లేదో క్లారిటీ లేదు. అయితే, రెండు స్మార్ట్‌ఫోన్‌ల గ్లోబల్ వేరియంట్‌ల ఆధారంగా టీజ్డ్ హ్యాండ్‌సెట్ టెక్నో Pova 5 Proగా కనిపిస్తుంది. LED ఇంటర్‌ఫేస్ కాల్‌లు, నోటిఫికేషన్‌లు, బ్యాటరీ ఛార్జింగ్, మ్యూజిక్ సింకరైజ్ చేసుకోవచ్చునని తెలిపింది. సాఫ్ట్, రేసింగ్, డ్రీమీ, బ్రీత్ పార్టీ వంటి 5 లైట్ ఎఫెక్ట్‌లను అందించనుంది. ఈ స్మార్ట్‌ఫోన్ గ్లోబల్ వేరియంట్ 120Hz రిఫ్రెష్ రేట్‌తో 6.78-అంగుళాల ఫుల్-HD+ LCD డిస్‌ప్లేను కలిగి ఉంది. ఇది MediaTek డైమెన్సిటీ 6080 SoC ద్వారా పనిచేస్తుంది. Android 13-ఆధారిత HiOS 13 అవుట్-ఆఫ్-ది-బాక్స్‌తో రన్ అవుతుంది.
హ్యాండ్‌సెట్ సెల్ఫీలు, వీడియో కాల్‌ల కోసం 50MP ప్రైమరీ రియర్ కెమెరా, 16MP ఫ్రంట్ కెమెరాతో వస్తుంది. ఇంకా, టెక్నో Pova 5 Pro 68W ఫాస్ట్ ఛార్జింగ్‌కు సపోర్టుతో 5,000mAh బ్యాటరీతో వస్తుంది. ఈ హ్యాండ్‌సెట్ డార్క్ ఇల్యూజన్, సిల్వర్ ఫాంటసీ అనే రెండు కలర్ ఆప్షన్‌లలో వస్తుంది.
