పరకాల, వెలుగు: సర్కారు బడులకు తుట్టెలు కట్టిన బియ్యం సరఫరా చేశారు. హనుమకొండ జిల్లా నడికూడ మండలం నర్సక్కపల్లి యూపీఎస్కు జనవరి కోటా కింద 63 కిలోలకు 50 కిలోల బస్తా, 13 కిలోల బియ్యాన్ని సరఫరా చేశారు. ఆ బియ్యమంతా తుట్టెలు కట్టడంతో ఎంఈవో, తహసీల్దార్ దృష్టికి తీసుకెళ్లినట్లు టీచర్సదానందం చెప్పారు. పిల్లలకు ఆ బియ్యం వండిపెట్టలేక చుట్టుపక్కల వారి నుంచి బదులు తెచ్చి మధ్యాహ్న భోజనం వండుతున్నామని చెప్పారు. చుట్టుపక్కలవారు ఇప్పుడు బియ్యం ఇవ్వకపోవడంతో రాయపర్తి స్కూల్ నుంచి 50 కిలోలు బదులు
తెచ్చామని చెప్పారు. ఇప్పటికైనా ఉన్నతాధికారులు స్పందించి మధ్యాహ్న భోజనానికి సరఫరా చేసే బియ్యం క్వాలిటీగా ఉండేలా చూడాలని టీచర్లు, గ్రామస్థులు కోరుతున్నారు. విషయం తెలుసుకున్న కాంగ్రెస్ పార్టీ మండల అధ్యక్షుడు బుర్ర దేవేందర్ స్కూల్కు చేరుకుని అధికారుల అలసత్వాన్ని ఎండగట్టారు. ఇప్పటికైనా బియ్యాన్ని వాపస్ తీసుకుని నాణ్యమైన బియ్యాన్ని సరఫరా చేయాలని డిమాండ్ చేశారు.
