హైదరాబాద్, వెలుగు: అసిస్టెంట్ సెక్షన్ ఆఫీసర్(ఏఎస్వో)లకు సూపరింటెండెంట్ స్థాయి పే స్కేల్‌ కల్పించాలని సెక్రటేరియెట్ ఉద్యోగులు పే రివిజన్కమిషన్‌ (పీఆర్సీ)ను కోరారు. బుధవారం బీఆర్‌‌‌‌కేఆర్‌ భవన్‌‌‌‌లో వారు పీఆర్సీ చైర్మన్ శివశంకర్ను కలిసి తమ డిమాండ్లను నెరవేర్చాలని విజ్ఞప్తి చేశారు. వివిధ శాఖల్లో పనిచేసే సూపరింటెండెంట్ ఉద్యోగులతో సమానమైన పని, హోదా ఉన్నప్పటికీ ఏఎస్‌‌‌‌వోల జీతాలు వారికంటే తక్కువగా ఉన్నాయని, ఈ వ్యత్యాసాన్ని సరిచేయాలని కమిషన్ దృష్టి కి తీసుకెళ్లారు.
ఈ సమావేశంలో సచివాలయ ఉద్యోగులు కందిమల్ల చలపతి రెడ్డి, దిలీప్, భూపాల్ రెడ్డి, రవీంద్ర, మీసాల రాజు తదితరులు పాల్గొన్నారు. టీఆర్టీఎఫ్ ఉద్యోగ, ఉపాధ్యాయులకు 40% ఫిట్ మెంట్ తో వేతన సవరణ చేయాలని టీఆర్టీయూ రాష్ట్ర కమిటీ పే రివిజన్ కమిషన్‌‌‌‌ను కోరింది. ఈమేరకు బుధవారం పీఆర్సీ కమిషన్ చైర్మన్ శివశంకర్ను ఆ సంఘం రాష్ట్ర గౌరవ అధ్యక్షుడు ప్రతాప్ రెడ్డి, రాష్ట్ర ప్రధాన కార్యదర్శి అశోక్ కుమార్ తదితరులప్రతినిధి బృంధం కలిసి వినతిపత్రం అందించింది.
