- డ్యూటీకి హాజరుకాని వీసీ రవీందర్
- తెలంగాణ వర్సిటీలో కొనసాగుతున్న హైడ్రామా
నిజామాబాద్, వెలుగు: తెలంగాణ వర్సిటీలో సోమవారం రిజిస్ట్రార్ఆఫీసు రూమ్కు తాళం తీయొద్దని వీసీ సెక్యూరిటీని ఆదేశించగా, మంగళవారం సిబ్బంది గది తాళం తెరిచారు. వీసీ రవీందర్ఆదేశాల మేరకే ఇలా చేసినట్టు తెలుస్తోంది. అయితే, ఈసీ సభ్యులతో పాటు ఈసీ మెంబర్స్ నియమించిన రిజిస్ట్రార్ యాదగిరి ఆ గది వైపు వెళ్లలేదు.
మరోవైపు వీసీ రవీందర్గుప్తా డ్యూటీకి హాజరుకాలేదు. ఇదిలా ఉండగా యాదగిరి కాకుండా టీయూ నుంచే మరొకరిని రిజిస్ట్రార్ గా ఎంపిక చేయాలని ఈసీ మెంబర్స్ ఆలోచిస్తున్నట్టు సమాచారం. ఇందుకోసం ముగ్గురు ప్రొఫెసర్ల పేర్లు పరిశీలిస్తున్నట్టు వినికిడి. వీసీ రవీందర్ కూడా తనకు అనుకూలంగా ఉండే వ్యక్తిని రిజిస్ట్రార్గా నియమించుకునే ఆలోచనలో ఉన్నట్టు తెలుస్తోంది. చివరకు ఈ కథ ఏ మలుపు తిరుగుతుందో తెలియక స్టాఫ్ అయోమయంలో ఉన్నారు.
