రాష్ట్రంలో చలి తీవ్రత పెరిగింది. పొద్దంతా ఎండ మంట ఉంటున్నా.. సాయంత్రం కాగానే చలి మొదలైతున్నది. సాయంత్రం 6 గంటల నుంచే చలిగాలులు వీస్తున్నాయి. టెంపరేచర్లు బాగా పడిపోతున్నాయి. అన్ని జిల్లాల్లోనూ రాత్రి టెంపరేచర్లు 20 డిగ్రీలకన్నా తక్కువే నమోదవుతున్నాయి. రంగారెడ్డి జిల్లా మొయినాబాద్లో అత్యల్పంగా 11.2 డిగ్రీల కనిష్ట ఉష్ణోగ్రత నమోదైందని వాతావరణ శాఖ శుక్రవారం తెలిపింది. యాదాద్రి జిల్లా నందిగాంలో 11.3, వికారాబాద్లోని మోమిన్పేట్లో 11.5, సిద్దిపేట జిల్లా కొండపాక, సంగారెడ్డిలోని నల్లవల్లిలో 12.2, మహబూబ్నగర్ జిల్లా రాజాపూర్లో 12.5, మెదక్ జిల్లా శివ్వంపేటలో 13, ఆసిఫాబాద్లోని గిన్నెదారిలో 13.1, ఆదిలాబాద్లోని నేరడిగొండలో 13.7 డిగ్రీల చొప్పున కనిష్ట ఉష్ణోగ్రతలు నమోదయ్యాయి. మిగతా అన్ని జిల్లాల్లోనూ 20 డిగ్రీలలోపు ఉష్ణోగ్రతలు రికార్డయ్యాయి.
