ములుగు/ తాడ్వాయి, వెలుగు: మేడారంలో నిర్విరామ విద్యుత్ సరఫరాకు చర్యలు తీసుకున్నామని, రేడియో ఫ్రీక్వెన్సీ టెక్నాలజీతో 106 ట్రాన్స్ఫార్మర్ల ను నిత్యం పర్యవేక్షించనున్నామని టీజీఎన్పీడీసీఎల్ సీఎండీ కర్నాటి వరుణ్ రెడ్డి అన్నారు. మంగళవారం ములుగు జిల్లా తాడ్వాయి మండలం మేడారంలోని విద్యుత్ సబ్ స్టేషన్లు, పలు ట్రాన్స్ఫార్మర్లను అధికారులు, సిబ్బందితో కలిసి పర్యవేక్షించిన ఆయన సిబ్బందికి టీషర్ట్స్ పంపిణీ చేశారు. ఈ సందర్భంగా సీఎండీ మాట్లాడుతూ కమలాపూర్, పస్రా, ములుగు తదితర నాలుగు వేర్వేరు మార్గాల నుంచి వచ్చే విద్యుత్ సరఫరాకు అంతరాయం లేకుండా నిత్యం పర్యవేక్షిస్తామన్నారు.
జాతర విధుల్లో ఉండే సిబ్బందితో 55 ప్రత్యేక బృందాలను ఏర్పాటు చేశామన్నారు. ఎప్పటికప్పుడు సరఫరాను మానిటర్ చేసేందుకు 600ల మంది సిబ్బంది పనిచేస్తున్నారన్నారు. అధికారులు, సిబ్బంది అంకిత భావంతో పనిచేసి జాతరలో విద్యుత్ సేవలను సక్సెస్ చేయాలని పిలుపునిచ్చారు. కార్యక్రమంలో డైరెక్టర్లు మోహన్ రావు, మధుసూదన్, సీఈ ఐటీ శ్రవన్ కుమార్, జీఎం శ్రీనివాస్, ములుగు ఎస్ఈ ఆనందం, భూపాలపల్లి ఎస్ఈ మల్చూర్, డీఈ నాగేశ్వర్ రావు తదితరులు పాల్గొన్నారు.
